Բառարան Գործիքներ Ծրագիրներ Մեր մասին Հայերէն
Nayiri Մեր մասին
 Հեղինակին մասին

Սէրուժ Ուրիշեան

Սէրուժ Ուրիշեանը հեղինակն է այս կայքին։ Արհեստով համակարգիչի ճարտարագէտ (software engineer)՝ Սէրուժին մայրենի լեզուն արեւմտահայերէնն է ։ Անոր հետաքրքրութիւններէն մէկը լեզուաբանութիւնն է՝ յատկապէս հայերէնի եւ լատիներէնի ուսումնասիրութիւնը (լատիներէնը ունի բազմաթիւ նմանութիւններ հայերէնի)։

Սէրուժը իր արհեստին մէջ վեց տարուայ փորձառութիւն ունի աշխատելով «NASA»ի «Jet Propulsion Laboratory»ի (JPL), «Oracle Corporation»ի, «Integrien»ի եւ «eHarmony» ընկերութիւններուն համար։ Ան շրջանաւարտ է Քալիֆորնիոյ Պըրքլի Համալսարանէն (University of California, Berkeley) ուր ան 2004 թուականին ստացաւ գիտութեանց պսակաւոր (Bachelor of Science) տիտղոսը մասնագիտանալով ելեկտրական ճարտարագիտութեան եւ համակարգիչի գիտութեան (Electrical Engineering and Computer Science) մէջ։

Սէրուժը յաճախած է Սահակ Մեսրոպ հայկական վարժարանը Քալիֆորնիոյ Փասատինա (Pasadena) քաղաքին մէջ, Ֆերահեան ազգային վարժարանը Էնսինօ (Encino) քաղաքին մէջ ու ապա Կլենտէյլ (Glendale) քաղաքի ամերիկեան հանրային դպրոցները (Toll Middle School եւ Hoover High School)։ Ան այժմ կը բնակի Լոս Անջելըս։

Սէրուժին հետ կապուելու համար ձեր ելմակները (email) ուղղեցէք հետեւեալ հասցէին: serouj@cal.berkeley.edu