Անվճար հայերէն ուղղագրիչ
Ստացի՛ր HySpell-ը հիմա
 Բառարան
ՇՆՈՐՀՔ
գոյական
    1. որեւէ կարգի ընդունակութիւն. բնական ունակութիւն, ձիրք, տաղանդ, բարեմասնութիւն.

    2. արտաքին գեղեցկութիւն. բարեձեւութիւն, բարեկազմութիւն, բարետեսութիւն.

    3. յարդարանքի՝ զարդարանքի կանոնաւորութիւն. պատշաճութիւն, կոկիկութիւն.

    4. որեւէ գործ անհրաժեշտ ձեւով կատարելու հմտութիւն, վարպետութիւն.

    5. վարուելակերպի՝ շարժուձեւի կարողութիւն. բարեկրթութիւն, ճաշակ.

    6. անշնորհքութիւն, ապիկարութիւն (ծաղրական միտքով).

    7. առանձին արժանիք, առաւելութիւն. օրինակ՝
‣ ըրածդ մեծ շնորհք մը չէ.

    8. (Փոխաբերական իմաստ) կարողութիւն, ճարտարութիւն.

    9. (Փոխաբերական իմաստ) գթութիւն, ներողութիւն, ներողամտութիւն.

    10. (Փոխաբերական իմաստ) զօրութիւն, ազդեցութիւն.

    11. (Գրաբար) ներշնչում.

    12. բարիք, օրհնութիւն.

    13. նուէր, ընծայ.

    14. հաճութիւն, գոհունակութիւն.

    15. թոյլտուութիւն: Տե՛ս ՇՆՈՐՀ:

    16. կրթուիլ, կարգի գալ։

Բաղադրեալ Բայեր
Երեսի շնորհքը վերնալ, Երեսի շնորհքը կորսուիլ
չէզոք բայ ամօթի զգացումը կորսնցնել, լրբանալ:

Շնորհք բանեցնել
ներգործական բայ արուեստ գործածել, խելք գործածել, հնարք գործածել։

Շնորհքը վրայէն թափիլ
չէզոք բայ շատ շնորհալի՝ վայելուչ ըլլալ։

Շնորհքը ցոյց տալ
ներգործական բայ
    1. հնարամտութիւնը՝ ճարպիկութիւնը ՝ ընդունակութիւնը ցուցադրել.
    2. հնարամտութիւն՝ խելք գործադրել.
    3. իր էութիւնը՝ բնոյթը արտայայտել՝ դրսեւորել.
    4. ազդեցութիւն՝ ներգործութիւն ունենալ (գինի՝ դրամ եւ այլն):

Շնորհքի բերել
ներգործական բայ
    1. վայելուչ՝ կանոնաւոր ձեւ տալ. բարեզարդել.
    2. կրթել, կարգի բերել։

Շնորհքի գալ, Շնորհքի մտնել
չէզոք բայ վայելուչ կանոնաւոր ձեւ ստանալ. բարեզարդուիլ, գեղեցկանալ.

Դարձուածքներ
Աստուած շնորհք տայ՝
    1. բարեմաղթութիւն.
    2. մեղմ յանդիմանութիւն, անշնորհք կամ սխալ արարքի մը առիթով։

Շնորհքդ պակսի
յանդիմանութիւն՝ կոպիտ սխալի մը կամ անշնորհք բան մը ըրած ըլլալու առիթով։

Շնորհքի համար
միայն ձեւի՝ արտաքին տպաւորութեան՝ վայելչութեան կամ պատշաճութեան համար:

Շնորհքի տէր
    1. շնորհալի.
    2. որեւէ շնորհք՝ արուեստ՝ ընդունակութիւն ունեցող:

Շնորհքին
    1. լաւ, օրինաւոր.
    2. ինչպէս որ պէտք է. կարգին, վայելուչ.
    3. կիրթ, քաղաքավար։

Շնորհքով
    1. պարկեշտ, վստահելի, մաքուր (մարդ).
    2. յարմար, վայելուչ (գործ, խօսք).
    3. արտաքին հաճելի տեսքով։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1793
ՆՈՐ
(beta)
Փնտռել «Երեսի շնորհքը վերնալ» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com