Անվճար հայերէն ուղղագրիչ
Ստացի՛ր HySpell-ը հիմա
 Ձեւաբանութիւն

Գտնուած Բառաձեւեր

չափը անցընել → չափը անցընել

Գտնուած Բառոյթներ

 Բառարան
ԱՆՑԸՆԵԼ
ներգործական բայ
    1. (տեղ մը՝) ըլլալ, գտնուիլ։
    2. (մէկ կողմէն միւսը՝) փոխադրել։
    3. (կեղծ դրամ՝) քշել։
    4. (ծարաւը՝) մարել։
    5. (ժամանակը զուր տեղը՝) վատնել, սպաննել։
    6. (օտար դրամ կոկորդը՝) ուտել, գողնալ, շմշկել։

Դարձուածքներ
վրան անցընել
հագուիլ։

աչքէ անցընել
քննել, նայիլ. այցելել։

մտքէ անցընել
մտաբերել։

ձեռք անցընել
գտնել։

չափը անցընել
չափազանցել։

քամոցէ անցընել
քամել, պարզել։

շամփուրի անցընել
շամփրել։

լաւ օրեր անցընել
ապրիլ, վայելել։

զաւակ անցընել
վիժել։

անիւին երկաթ շրջանակ անցընել
մարնել։

Աղբիւր՝ Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): էջ 33
ՆՈՐ
ՉԱՓ
գոյական
    1. չափումի միաւոր.

    2. իրերու որոշ քանակ, զոր կ՚ընդունին եւ կը գործածեն իբրեւ որոշ միաւոր.

    3. որեւէ աման՝ անօթ եւ այլն, ընդեղէնի՝ հեղուկի եւ այլն չափի միաւոր. օրինակ՝
‣ տասը շիշ.

    4. նիւթի քանակը, որ կը տեղաւորուի՝ կը պարունակուի տուեալ չափման միաւորին մէջ. օրինակ՝
‣ երկու պնակ կերակուր.

    5. որեւէ նշան՝ թիւ՝ թուղթի կտրօն եւ այլն, որով կ՚որոշուի՝ ցոյց կը տրուի բանի մը մեծութիւնը՝ ծաւալը. չափը ցոյց տուող նշան.

    6. մարմնի կամ անոր մէկ մասին մեծութիւնը՝ ծաւալը, զոր կը չափեն հագուստ-կապուստի համար.

    7. համեմատուող առարկաներու ծաւալային՝ տարածական եւ այլն համապատասխանութիւն.

    8. ոտանաւորի մէջ՝ մէկ տողի մէջ եղող՝ գտնուող ոտքերու եւ վանկերու քանակը.

    9. երաժշտութեան մէջ՝ արագութեան աստիճանը, որով պէտք է երգուի կամ նուագուի տուեալ եղանակը.

    10. երաժշտութեան մէջ՝ ամէն ձայնանիշի տեւողութիւնը, որ կ՚արտայայտուի առանձին նշաններով, կամ ձայնանիշի տարբեր ձեւերով.

    11. բարոյական կամ մտաւորական արժէքը որոշելու միջոց.

    12. սահման, եզր. օրինակ՝
‣ ազնուութիւնն ալ չափ մը ունի.

    13. աստիճան՝ դրութիւն՝ չափանիշ (գնահատումի՝ որակման).

    14. որեւէ բանի ազդեցութեան ոյժ. մեծութիւն, արժէք, կշիռ.

մակբայ
    15. (Գրաբար) կարգ, կանոն.

մակբայ ածական
    16. մօտ, շուրջ, մօտաւորապէս.

ածական
    17. չափաւոր.

    18. մեծութեամբ, ծաւալով.

    19. հաւասար, համեմատ, համապատասխան:

    20. կառավարել, գլխաւորել, ղեկավարել:

Տեսակներ
— Գիծի՝ գծաչափ:

— Գիրկի՝ գրկաչափ։

— Դեղի՝ դեղաչափ (Ֆրանսերէն dose)։

— Երաժշտական՝ ամանակ:

— Երկարութեան՝ արշըն, կանգուն, մեթր, ոտք, վերստ, փարսախ։

— Խոնաւութեան՝ խռնաւաչափ (Ֆրանսերէն hydromètre)։

— Ծանրութեան՝ բաունտ, լիդր, պաթման, քիլօ, քիլօկրամ:

— Կեանքի՝ կենսաչափ (Ֆրանսերէն biomèter)։

— Կէտի՝ կիտաչափ:

— Հասակի՝ հասակաչափ (Ֆրանսերէն longimètre)։

— Հաւասար՝ համաչափ:

— Հեղուկներու՝ շոգիներու՝ կազերու ճնչումը չափելու մասնայատուկ գործիք՝ անգայտաչափ (Ֆրանսերէն manomètre)։

— Ճաշի՝ ճաշաչափ։

— Մազի՝ մազաչափ:

— Մատի՝ մատնաչափ: Բթամատի եւ ճկոյթի միջեւ՝ թիզ։ Բթամատի եւ ցուցամատի միջեւ՝ քիլ, քլաչափ, ուղուկ, ուղկաչափ:

— Մարդու հասակի չափով՝ մարդահասակ:

— Նուագի՝ քերթուածի՝ մարզանքի՝ կշռոյթ։

— Հողի՝ շողաչափ:

— Ոտք փոխելու՝ քայլ, քայլ, քայլաչափ:

— Ոտքի՝ ոտք, ոտնաչափ:

— Ջերմութեան՝ ջերմաչափ:

— Ջուրի՝ ջրաչափ:

— Տակառի՝ տակառաչափ։

— Տաղաչափութեան՝ ոտքերու թիւ։

Բաղադրեալ Բայեր
Իր չափով չափել
ներգործական բայ
    1. իրեն հետ համեմատել, ինքզինք իբրեւ չափանիշ ընդունիլ.
    2. իր հասկցած ձեւով կշռադատել:

Չափ առնել
ներգործական բայ
    1. որեւէ բան պատրաստելու համար՝ առարկային մեծութիւնը՝ ծաւալը ճշդել.
    2. փորձով գիտնալ՝ իմանալ անձի մը՝ բանի մը ուժը՝ զօրութիւնը՝ կարողութիւնը:

Չափ դնել
ներգործական բայ
    1. չափաւորել, զսպել.
    2. ձին արշաւասոյր վազցնել (ուրիշ ձիու հետ համեմատելու համար)։

Չափ զարնել
ներգործական բայ Տե՛ս Չափ տալ:

Չափ ընել
ներգործական բայ Տե՛ս Չափ առնել:

Չափ տալ
ներգործական բայ երգելու՝ նուագելու ատեն ձեռքի շարժումներով կամ ոտքի բախումներով արագութիւնը ցոյց տալ.

Չափը անցընել
ներգործական բայ ընդունուած սահմանէն դուրս գալ, ծայրայեղութեան երթալ։

Չափը առնել
ներգործական բայ Տե՛ս Չափ առնել:

Չափը գիտնալ, չափը ճանչնալ
ներգործական բայ
    1. իր դիրքին եւ աստիճանին գիտակցելով՝ ինքզինք ըստ այնմ պահել.

    2. իր կարողութեան՝ ուժին եւ այլնի սահմանը գիտնալ. օրինակ՝
‣ ես խմիչքիս չափը գիտեմ:

Չափը տալ
ներգործական բայ
    1. չափը փոխանցել.
    2. մէկը կարգի հրաւիրել.
    3. մէկը պատժել.
    4. յանդիմանել։

Դարձուածքներ
Աչքի չափ
աչքի նայուածքով՝ տեղի մը հեռաւորութիւնը, առարկայի մը մեծութիւնը՝ ծանրութիւնը եւ այլն մօտաւորապէս որոշելու կարողութիւն:

Կարողութեան չափով
որքան որ իր կարողութիւնը կը թոյլատրէ. իր միջոցներուն համաձայն։

Հոգով՝ հոգիի չափ
ամբողջ հոգիով՝ սիրտով:

Չափէ աւելի, չափէ դուրս
պէտք եղածէն՝ պահանջուածէն աւելի, չափազանց:

Չափը անցած
Տե՛ս Չափէ աւելի:

Չափը պակաս
սահմանուած չափը չունեցող։

Չափը տեղը
սահմանուած՝ ճշդորոշուած չափը ունեցող։

Չափի զգացում
չափաւորութիւն:

Չափով
    1. որոշ քանակով.
    2. փոքր քանակութեամբ, քիչ, խնայելով։

Յարակից Բառեր
— Չափելու միջոցներ՝ չափաձող, չափաման, չափան, չափիչ, չափոց։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1939
ՆՈՐ
(beta)
ԱՆՑԸՆԵԼ
անցողական բայ անցնիլ բային անցողական ձեւը, անորոշ եղանակ, աներեւոյթ, որ պէտք է ը-ով գրել անպայման։

Կը գործածուի բազմաթիւ նշանակութիւններով։

Բաղադրեալ Բայեր
ժամանակ անցընել
չէզոք բայ զբաղիլ, պարապիլ.

ժամանակը զուր տեղը անցընել
չէզոք բայ վատնել՝ սպաննել՝ մեռցնել.

մէկ կողմէն միւսը անցընել
ներգործական բայ փոխադրել.

կեղծ դրամը անցընել
ներգործական բայ քշել.

հագուստը վրան անցընել
ներգործական բայ հագուիլ.

ծարաւը անցընել
ներգործական բայ յագեցնել.

աչքէ անցընել
ներգործական բայ քննել.

մտքէ անցընել
ներգործական բայ յիշել, մտաբերել.

ձեռք անցընել
ներգործական բայ գտնել.

ձեռքէ անցընել
ներգործական բայ թղթատել, ուսումնասիրել.

չափը անցընել
չէզոք բայ չափազանցել.

քամոցէ անցընել
ներգործական բայ քամել.

շամփուրի անցընել
ներգործական բայ շամփրել.

լաւ օրեր անցընել
չէզոք բայ վայելել.

կեանք անցընել
չէզոք բայ ապրիլ.

զաւակ անցընել
չէզոք բայ վիժել.

ուրիշին դրամը կոկորդը անցընել
ներգործական բայ յափշտակել, գողնալ, ուտել.

հիւանդութիւն անցընել
չէզոք բայ
    1. հիւանդանալ.
    2. առողջանալ.

աղջիկ ձեռք անցընել, կին ձեռք անցընել
ներգործական բայ անպատուել, պղծել.

անիւին երկաթ շրջանակ անցընել
ներգործական բայ մարնել։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 159
ՆՈՐ
(beta)
ՓԱԽՑՆԵԼ
անցողական բայ
    1. յափշտակել եւ փախչիլ. գողնալ, թռցնել.
    2. փախուստի մատնել.
    3. մէկը՝ բան մը տեղէն գաղտնի հանել-հեռացնել.
    4. ցրուել, վանել, հեռացնել, փախուստի մատնել (թշնամին՝ հակառակորդը).
    5. խլել, կորզել.
    6. սահմանէն գաղտնի կերպով՝ առանց մաքսը վճարելու ապրանք անցընել.
    7. յարմար առիթէն չօգտուիլ, պատեհութիւնը կորսնցնել.
    8. աչքէ վրիպեցնել.
    9. ցրուել, փարատել (խաւարը՝ մութը եւ այլնը).
    10. (Փոխաբերական իմաստ) տտռել.
    11. (Փոխաբերական իմաստ) խենթենալ.
    12. (Փոխաբերական իմաստ) ապշիլ, սաստիկ հիանալ:

Տեսակներ
— Աղջիկ՝ առեւանգել։

— Աչքէ՝ 1. կորսնցնել. 2. վրիպեցնել։

— Ապրանք՝ գողնալ, իւրացնել, յափշտակել:

— Ապրանք (սահմանէն)՝ մաքսանենգել։

— Առիթ՝ նաւ՝ շոգեկառք՝ օդանաւ՝ քուն՝ կորսնցնել։

— Բերանէն (գաղտնիքը)՝ մատնել, թռցնել:

— Գաղտնի՝ սպրդեցնել։

— Թշնամին՝ ցրուել, վանել, քշել։

— Խելքը՝ խենթենալ, խելագարիլ։

— Խօսելու ատեն բառերը՝ ծայրատել։

— Համը՝ չափը անցընել, անկրթանալ:

— Սուտեր՝ գլորել, գլտորել։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 2347
ՆՈՐ
(beta)
 Գործածութիւն փորձնական 5 մէջբերում 

Գտնուած բառաձեւերու գործածութիւնը

Գտնուած բառոյթներու գործածութիւնը

Փնտռել «Չափը անցընել» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com