Անվճար հայերէն ուղղագրիչ
Ստացի՛ր HySpell-ը հիմա
 Բառարան
ՎՐԱՅ
գոյական նախադրութիւն
    1. վերի՝ բարձր կողմը.

    2. արտաքին՝ դուրսի մասը. երեսը.

    3. գործուածքի լաւ կողմը. երեսը.

    4. զգեստ, հագուստ.

    5. մակերեւոյթին, երեսին.

    6. ուսին, հաշուոյն.

    7. դէպի ուղղութեամբ.

    8. ծայրին, գագաթին.

    9. համեմատութիւն, բաղդատութիւն.

    10. մասին.

    11. նկատմամբ, վերաբերմամբ.

    12. առթիւ, համար.

    13. շատ մօտ, մօտակայք.

    14. որոշ տարածութեամբ.

    15. պատճառով.

    16. յաւելեալ, բանէ մը ետք.

    17. նոյն միջոցին, միաժամանակ.

    18. շուտով, ժամանակով մօտ.

    19. գործունէութեան բնոյթ՝ ձեւ. օրինակ՝
‣ ոտքի վրայ խօսիլ.

    20. յենարան, նեցուկ.

    21. տիրապետութիւն.

    22. անունով, յանուն բանի մը։

Բաղադրեալ Բայեր
Վրայ առնել
ներգործական բայ
    1. վերցնել, ստանձնել.
    2. յանձն առնել, ընդունիլ։

Վրայ բերել
ներգործական բայ
    1. ծալել.
    2. կուտակել.
    3. հասցնել, տեղացնել.
    4. խօսք աւելցնել, ըսել, յարել։

Վրայ բռնել
ներգործական բայ
    1. գէշ գործ մը ընելու ատեն տեսնել.
    2. բանի մը վրան՝ վերը պահել՝ բռնել:

Վրայ գալ
չէզոք բայ
    1. յարձակիլ.
    2. գալ, հասնիլ.
    3. գիրնալ.
    4. յարմարիլ՝ նստիլ։

Վրայ դնել
ներգործական բայ
    1. փակել, ծածկել, գոցել.
    2. կափարիչը՝ խցանը եւ այլնը դնել՝ գոցել.
    3. գինը բարձրանալ, սղիլ.
    4. գիրնալ։

Վրայ երթալ
չէզոք բայ
    1. յարձակիլ.
    2. առիթը կորսնցնել:

Վրայ ըլլալ
չէզոք բայ
    1. հսկել.
    2. բան մը ընելով զբաղած ըլլալ.
    3. իբր թէ բան մը ընել (Հգնկ.):

Վրայ թափիլ
չէզոք բայ
    1. խմբովին խուժել՝ յարձակիլ.
    2. բանի մը խմբովին ձեռնարկել.
    3. զանազան տեղերէ մէկտեղուիլ:

Վրայ հասնիլ
չէզոք բայ
    1. յանկարծ կամ պատահաբար՝ անսպասելիօրէն գալ.
    2. ճիշդ ժամանակին հասնիլ.
    3. ժամանակին բան մը աւարտել:

Վրայ ձգել
ներգործական բայ
    1. մէկը պատասխանատու համարել, յանցաւոր ցոյց տալ.
    2. բեռը ուրիշին ուսին բեռցնել։

Վրայ նստիլ
չէզոք բայ իւրացնել։

Վրայ տալ
ներգործական բայ
    1. յարձակիլ.
    2. մղում տալ, դրդել.
    3. քաջալերել.
    4. խաղի մէջ կորուստ ունենալ:

Վրայ քշել
ներգործական բայ յարձակիլ։

Վրայէն անցնիլ
չէզոք բայ
    1. նորէն կարդալ. վերանայիլ.
    2. թեթեւօրէն կարդալ. թերթել։

Վրայէն թափիլ՝
չէզոք բայ
    1. կաթիլ, իյնալ.
    2. շատ լայն ըլլալ.
    3. որեւէ բանի ցայտուն արտայայտութիւն ցուցաբերել:

Վրայէն ջուր խմել
ներգործական բայ այլեւս յոյս չունենալ վերստանալու՝ վերագտնելու. կորսուած համարել։

Վրան առնել
ներգործական բայ
    1. իրեն համար ըսուած կարծել.
    2. Տե՛ս Վրայ առնել։

Վրան գալ
չէզոք բայ
    1. աւելնալ.
    2. յարմարիլ, նստիլ։

Վրան գրել
ներգործական բայ մէկուն հաշուոյն անցնել (Հգնկ.). օրինակ՝
‣ վրա՛ս գրէ:

Վրան եղած ըլլալ
չէզոք բայ դաշտանի մէջ ըլլալ:

Վրան ընել
ներգործական բայ շապկընկերը աղտոտել. տակը ընել։

Վրան իյնալ
չէզոք բայ
    1. վրան ճնշում բանեցնել. ստիպել.
    2. փութաջան աշխատանք տանիլ։

Վրան նետել
ներգործական բայ
    1. արձակել.
    2. յանցանքը ուրիշին վրայ բեռցնել՝ ձգել:

Վրան նստիլ
չէզոք բայ
    1. յարմարիլ.
    2. տիրանալ, իւրացնել.
    3. ընդամէնը արժել. ծախս նստիլ։

Վրան սորվիլ
ներգործական բայ ընտելանալ:

Վրան սուղի նստիլ
չէզոք բայ չնախատեսուած չափով սուղ գին վճարել:

Վրան վազել
չէզոք բայ խոյանալ, յարձակիլ։

Վրան փուշ-փուշ ըլլալ
չէզոք բայ մարմինը փշաքաղուիլ. վախէն սարսռալ։

Վրան քալել
չէզոք բայ
    1. մէկը յանդիմանել.
    2. երկիրի մը վրայ յարձակիլ՝ գրաւելու համար։

Վրան քաշել
ներգործական բայ որեւէ բանով ծածկուիլ՝ ծածկել:

Դարձուածքներ
Վրայ-գլուխ
հագուստ-կապուստ:

Վրան բաց խօսք
անվայել խօսք:

Վրան բաց սուտ
անհաւատալի սուտ:

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 2239
ՆՈՐ
(beta)
Փնտռել «Վրան եղած ըլլալ» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com