Անվճար հայերէն ուղղագրիչ
Ստացի՛ր HySpell-ը հիմա
 Ձեւաբանութիւն

Գտնուած Բառոյթներ

 Բառարան
երգահանդէս գոյական Հանդէս՝ երգային յայտագրով:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 111։


ԵՐԳԱՀԱՆԴԷՍ
գոյական երաժշտական հանդէս երգով կատարուող.

(Ֆրանսերէն récital):

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 565
ՆՈՐ
(beta)
ՀԱՄԵՐԳ
գոյական
    1. խմբական երաժշտական հանդէս՝ ունկնդրութիւն՝ ձայնական թէ գործիական՝ գործիքային.

Տեսակներ
— ձայնականը (Ֆրանսերէն vocale, vocal)՝ երգահանդէս (երգչախումբով).

— գործիականը (Ֆրանսերէն instrumentale, instrumental՝ նուագահանդէս (նուագախումբով).

    2. (Փոխաբերական իմաստ) բնական ձայներու դաշն միասնականութիւն (թռչուններու, ջուրի)՝ ներդաշնակութիւն։

Հակառակը՝ մենահամերգ (ձայնական), մենանուագ (գործիական)։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1140
ՆՈՐ
(beta)
ՀԱՆԴԷՍ
գոյական
    1. պաշտօնական ու հանդիսաւոր հաւաքոյթ՝ հանդիսութիւն՝ ուրախ կամ տխուր.

Տեսակներ
— եկեղեցական՝ տօնախմբութիւն, տօնակատարութիւն.

— ծաղիկներու՝ ծաղկահանդէս, ծաղկատօն.

— ազգային յիշատակելի ոգեկոչում՝ տօնահանդէս, փառատօն.

— սուգի՝ սգահանդէս.

— զինուորական՝ զօրահանդէս.

— մարզական՝ մարզահանդէս.

— նուագի՝ նուագահանդէս.

— երգի՝ երգահանդէս։

— աշակերտական՝ թատերական՝ ներկայացում.

— ցերեկուան՝ ցերեկոյթ.

— իրիկուան՝ երեկոյթ.

— գիշերուան՝ ցայգահանդէս.

— պարի՝ պարահանդէս.

— դիմակաւոր՝ դիմակահանդէս.

— արուեստներու հրապարակային ցուցադրութիւն՝ ցուցահանդէս.

— պատկերներու՝ պատկերահանդէս, նկարահանդէս.

— վաճառելի ապրանքներու՝ տօնավաճառ.

— խարոյկի՝ խարուկահանդէս.

— մեծ հանդիսութեամբ՝ շքեղ՝ շքահանդէս.

— յիշատակի՝ յուշահանդէս.

— գեղջկական՝ դէրք.

    2. պարբերական հրատարակութիւն, ամսաթերթ, ամսագիր, հանդիսարան, պարբերաթերթ.

    3. շուք, շքեղութիւն, փառահեղութիւն.
‣ մեծ հանդէսով ոգեկոչեցին Թարգմանչաց յիշատակը եւ անոնց կատարած նախախնամական դերը ազգային-եկեղեցական մեր կեանքին մէջ.

    4. ասպարէզ, մրցարան, հրապարակ՝ ոյժի՝ ընդունակութիւններու ցուցադրութեան (ֆիզիքական թէ գրական).
‣ ով որ կ՚ուզէ ինծի հետ մրցիլ՝ թող հանդէս գայ:

Բաղադրեալ Բայեր
Հանդէս ընել
ներգործական բայ
    1. հանդիսութիւն՝ ներկայացում՝ ցուցադրութիւն ընել,
    2. տօնել.

ի հանդէս գալ
չէզոք բայ
    1. հրապարակուիլ (հրատարակութիւն),
    2. երեւիլ, յայտնուիլ, երեւան գալ, մէջտեղ ելլել։

ի հանդէս բերել
ներգործական բայ
    1. երեւան՝ մէջտեղ հանել, ցուցադրել, ցոյց տալ,
    2. հրապարակել (հրատարակութիւն)։

Յարակից Բառեր
— հանդէս՝ ցուցադրութիւն՝ ներկայացում ընելու տեղ՝ հանդիսավայր, հանդիսարան։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1164
ՆՈՐ
(beta)
 Գործածութիւն փորձնական 3 մէջբերում 

Գտնուած բառաձեւերու գործածութիւնը

Գտնուած բառոյթներու գործածութիւնը

Փնտռել «երգահանդէս» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com