Անվճար հայերէն ուղղագրիչ
Ստացի՛ր HySpell-ը հիմա
 Ձեւաբանութիւն

Գտնուած Բառոյթներ

 Բառարան
＋գաւառական բառ ՀՈՐԹՈՒԿ
գոյական
    1. Տե՛ս Հորթիկ։
    2. Տե՛ս Խռթիկ (2)։

Աղբիւր՝ Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): էջ 1284
ՆՈՐ
(beta)
ԿՈՎ
գոյական
    1. ստնաւոր՝ կաթնտու՝ որոճացող՝ չորքոտանի՝ երկկճղակ՝ ընտանի՝ խոշոր էգ ցուլ՝ չորս տարեկանէն սկսեալ մարմինը ծածկուած կարճ մազերով՝ համեղ միսով՝ առատ կաթով (մա՛նաւանդ հոլանտականը)՝ օգտագործելի կաշիով.

Տեսակներ
— ձագը՝ հորթ, հորթուկ, երինջ, կովիկ.

    2. խորհրդանիշ Գ. կամ Ղուկասու Աւետարանի.

    3. (Փոխաբերական իմաստ) անխելք, ապուշ, բթամիտ։

Բաղադրեալ Բայեր
խենթ կով դառնալ
չէզոք բայ խենթի պէս այս ու այն կողմ վազվզել։

Դարձուածքներ
Կովու գլուխ
ապուշ.

ի՞նչ կեցեր ես եւ կովու նման երես[ի]ս կը նայիս
ինչո՞ւ ապուշի պէս կեցեր երեսս կը նայիս.

կթան կով
    1. կաթնտու կով,
    2. մարդ մը որ անաշխատ՝ հեշտ եկամուտի աղբիւր է ուրիշներու.

կովը դարանը հանել մորթելու համար, փոխանակ դանակը դարանէն վար բերելու
շատ հեշտ գործ մը ի զուր տեղը դժուարացնել.

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1054
ՆՈՐ
(beta)
ՀՈՐԹ
գոյական հորթի ձագ, մոզի, ընջուղ, բուզ, արթուկ, հերվանիկ, հերվնեկ, հերվենակ, հերվենիկ, հերնեկ, հեռ, հեռնիկ, որթ։

Տեսակներ
— Փոքր հորթ՝ հորթուկ, հորթիկ.

— մէկ տարեկան՝ հերվանաձագ.

— երկու տարեկան՝ խեռնիկ: Տե՛ս Ձագ։

Դարձուածքներ
Եզը ոտքի կը հանեն եւ տակը հորթ կը փնտռեն
անհիմն բաներով մարդ կը բամբասեն՝ կը մեղադրեն.

հորթ կը փնտռեն մորթելու
քաւութեան նոխազ կը փնտռեն.

հորթի գլուխ, կովու գլուխ
ապուշ:

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1283
ՆՈՐ
(beta)
ՁԱԳ
գոյական
    1. նոր ծնած թռչուն.

    2. պզտիկ թռչուն.

    3. նորածին կենդանիի ընդհանուր անուն։

Կը նախընտրենք որ ձագ, ձագուկ եզրերը գործածուին կենդանիներու եւ ո՛չ թէ մարդու զաւակներուն համար։ Հետեւաբար՝ աներձագի փոխարէն թելադրելի է աներորդի գործածել։

Տեսակներ
— Աղաւնիի՝ դոխ, աղաւնեակ:

— Աղաւնիի (որձ)՝ վարուժնակ:

— Այծեամի՝ այծեմնիկ։

— Այծի՝ ուլ։

— Այծի (էգ)՝ ալոջ։

— Այծի (միամեայ)՝ ամիկ:

— Առիւծի, վագրի՝ կորիւն։

— Արծիւի՝ արծուաձագ:

— Արջի՝ թոժիւն, քոթոթ։

— Աւանակի՝ քուռակ:

— Բազէի՝ գաւազ, պիլիկ։

— Բորենիի՝ կոռնակ:

— Գոմէշի՝ գխատակ, պլԷճ, գոմշուկ։

— Գորտի՝ շերեփիկ, շերեփուկ, կրօր, գտէլ։

— Եղնիկի՝ եղնորթ:

— Իժի՝ իժակորիւն:

— Իշու, աւանակի՝ քուռակ։

— Լորի՝ լորամարգի։

— Խոզի, կինճի՝ խոճկոր, գոճի։

— Կատուի՝ փիսիկ:

— Կովի՝ հորթուկ, հորթ:

— Հաւի՝ վառեակ:

— Հաւի (նորածին)՝ ճուտ, մժուժ:

— Հաւի (պարարտ)՝ շլփօն:

— Ձիու՝ մտրուկ, ձիաքուռակ։

— Ճանճի՝ մուն։

— Միսի ճանճի՝ ծետուկ:

— Մուկի՝ մկնիկ։

— Շան, գայլի՝ լակոտ:

— Ոչխարի՝ բուծ, գառնուկ։

— Ոջիլի՝ մաթիլ, մնիկ, անիծ։

— Ուղտի՝ կոզռն, կոզռակ, ուղտաձագ։

— Փիղի՝ փղորդի։

— Օձի՝ օձակորիւն, իժակորիւն։

Աղբիւր՝ Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): էջ 1324
ՆՈՐ
(beta)
 Գործածութիւն փորձնական 5 մէջբերում 

Գտնուած բառաձեւերու գործածութիւնը

Գտնուած բառոյթներու գործածութիւնը

Փնտռել «հորթուկ» բառը նաեւ հետեւեալ պատկերահանուած բառարաններուն մէջ —

Բացատրական

Հոմանիշներու

Արեւմտահայերէնի

Նորաբանութիւններու

Յանգարան

Բառակազմական

Ստուգաբանական

Դարձուածաբանական եւ Բարբառային

Ուղղագրական

Գրաբարի

Միջին Հայերէնի

Վաղաշխարհաբարեան

Օտար լեզուի

Անուններու

Տեղանուններու

Բուսանուններու

Մասնագիտական

Յապաւումներու

© 2025 Նայիրի. Հայերէն բառարանը կը պարունակէ 17,718 գլխաւոր բառ։
Կայքը ունի 144 բառարան եւ 3 գիրք։
Հայերէն
Նայիրի / Nayiri.com