Armenisch-Englisch wörterbuch

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1069

Neu!

(beta)

ԴԷՄՔ

գոյական
    1. մարդու գլուխի առջեւի կողմը՝ ճակատէն եւ ականջներէն մինչեւ կզակը.

    2. երես, դիմագիծ.

    3. երեսի արտայայտութիւն՝ երեւոյթ՝ կերպարանք՝ տեսք՝ հայեցուածք.

    4. անձ, անձնաւորութիւն. օրինակ՝

‣ անիկա մեր գաղութի ամենէն կարկառուն դէմքերէն մէկն է.

5. փոխադարձ դրութիւն անձերու խօսելու ատեն. օրինակ՝

‣ դերանունը եւ բայը երեք դէմք ունին,

Ա. դէմք (ես, մենք),

Բ. դէմք (դուն, դուք),

Գ. դէմք (ան, անիկա, ինք, անոնք, իրենք)։

Դարձուածքներ

ի դէմս

յանուն, անունով, յանձինս, յանձին. օրինակ՝

‣ «Սուրբ Աստուածը» կ՚երգենք ի դէմս Յիսուս-Քրիստոսի։

Ի դիմաց

կողմէ. օրինակ՝

‣ ի դիմաց Հայկական Կրթական Բարեսիրական Միութեան:

ԴԷՄ

(Պահլաւերէն dem, demak = կերպարանք, ձեւ, Պարսկերէն dim, dima, = դէմք, կերպարանք, Զենտերէն daeman = աչք, հայեացք)

գոյական
1. Տե՛ս ԴԷՄՔ.

նախադրութիւն
2. առջեւը, դիմացը. օրինակ՝

‣ դէմը մարդ մը ելաւ.

3. հանդիպակաց, դիմացի կողմը, միւս կողմը, հակառակ կողմը. օրինակ՝

‣ Երասխի հայրենի ծաղկած ափին դէմ թրքական ափը մեռելութիւն է.

գոյական
4. փոխանակում, փոխարէնը. օրինակ՝

‣ տունը եղբօրը տուաւ, դէմը առաւ այգին.

5. փոխարինութիւն, հատուցում. օրինակ՝

‣ այսչափ բարիքի դէմ չարիք՝ անմարդկային է.

նախադրութիւն
6. առջեւ, դիմաց. օրինակ՝

‣ թշնամիին դէմ կանգնեցաւ անտեղի տալի վճռակամութեամբ.

7. հակառակ, ընդդէմ. օրինակ՝

‣ ես դէմ եմ այդ գաղափարին.

8. մօտ, շուրջ, ատեն (ժամանակ ցոյց տուող բառերու հետ). օրինակ՝

‣ առտուան դէմ անձրեւեց.

9. ընդառաջ. օրինակ՝

‣ հիմա փեսան պիտի գայ՝ դէմը ելլենք երգելով ու պարելով։

Բաղադրեալ Բայեր

դէմն առնել

ներգործական բայ առաջքը առնել, դարմանել.

դէմը բռնել, դէմը կտրել

չէզոք բայ արգելք ըլլալ, խափանել.

դէմ գալ՝ դէմ ելլել

ներգործական բայ ա) դիմաւորել, բ) հակառակիլ.

դէմ դնել

չէզոք բայ դիմադրել.

դէմ երթալ

ներգործական բայ ա) դիմաւորել, բ) հակառակիլ.

դէմ կանգնիլ, դէմ կենալ

չէզոք բայ ա) հակառակիլ, բ) դիմադրել.

Դարձուածքներ

Դէմ առ դէմ

իրարու դիմաց, դէմ-դէմի, երես-երեսի.

դէմ ընդդէմ

իրարու հակառակ.

դէմ յանդիման

դէմ-դէմի, դէմ-դիմաց, երես-երեսի:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 485

Neu!

(beta)

Reverse Dictionary Search Neu! 40 citations