Armenische Rechtschreibprüfung
Erhalten HySpell
 Morphology

Matching Lexemes

 Wörterbuch
գէս գոյական Երկայն վարս, մազի ծոպ:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 79։


ԳԷՍ
գոյական
    1. գիսակ, վարս, հեր, մազ։
    2. գիսաւորի պոչ։

Source: Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): p. 82
Neu!
ԳԷՍ (գիսի, աց, կմ սոյ, սոց կմ սուց)
(պարսկերէն gēs, զենդերէն gaesa, մազի հիւսակ)

գոյական
    1. Գլխի երկայն մազ։

Բաղադրեալ Բայեր
Գէս արձակել
չէզոք բայ Երկայն մազ թողնել գլխի վրայ։

    2. Առհասարակ երկայն մազ։
‣ Նոխազները գէս ունին իբրեւ մօրուք։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 456
Neu!
(beta)
ԱԳԻ
գոյական պոչ։

Տեսակներ
— Ականջի՝ բլթակ, ականջթոռ, բլիթ.

— Աղօրիքի, ձագարի՝ չխչխիկ.

— Գիսաւոր աստղի՝ գէս.

— Թագաւորական թագի՝ որ իբրեւ ծամակալ կը գործածուէր՝ ապարօշ.

— Թոքի՝ թոքաբոյթ.

— Թռչունի եւ ձուկի՝ տտուն.

— Լեարդի՝ լերդաբոյթ.

— Հանդերձի՝ փէշ, բէժ, քղանցք, աշխորդ, խշտուկ.

— Մազի հիւսուած՝ հիւսկէն, վարսամ.

— Մարդու՝ որ կը կազմուի ողնասիւնի վերջին տասնեակ մը ոսկորներով, որոնք ծածկուած են յետոյքի միսերուն մԷջ՝ թրքերէն փէօչ, որ համազօր է մեր պոչին։
‣ փէօչը ինկած է.

— Շան, աղուէսի, առիւծի մազոտ՝ ձետ.

— Ոլորուած թելերու (դերձան)՝ ծոպ.

— Ոչխարի՝ դմակ.

— Պատարագիչ եպիսկոպոսի կամ կաթողիկոսի վակասի՝ արտախուրակ.

— Սողունի՝ տուտ.

— Վարագոյրի՝ վրանի ծոպաւոր՝ ապարում, խանթուռ.

— Վրանոցի՝ դարձք։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 10
Neu!
(beta)
ԳԷՍ
(Պարսկերէն gés, Զենտերէն gaesa = մազի հիւսկԷն՝ հիւսուած մազ)

գոյական
    1. գլխու երկայն մազ՝ գիսակ՝ վարս՝ հեր.
    2. մազի հիւսկէն՝ ծոպ.
    3. գիսաւոր աստղի պոչ։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 397
Neu!
(beta)
ՊՈՉ
գոյական
    1. չորքոտանի կենդանիներու ողնաշարի շարունակութիւնը, որ մարմնէն դուրս կ՚երկարի. ագի, ձետ.
    2. սողուններու ետեւի նեղցած ու երկար մասը.
    3. թռչուններու ետեւի կողմը բուսնող երկար փետուրները՝ փետրափունջը.
    4. մարդու ողնաշարի ներքեւի սուր ծայրով վերջամասը.
    5. ընդհանրապէս՝ կախուած, ետեւէն քաշուող առարկայ.
    6. (Փոխաբերական իմաստ) շարժման մէջ եղող որեւէ բանի վերջամասը (սովորաբար հիմնական մասէն նեղ կամ բարակ).
    7. օդանաւի յետնամաս.
    8. կնոջական հագուստի երկար քղանցք, որ կը քաշուի գետնին վրայէն.
    9. պտուղներու կոթ.
    10. զանազան գործիքներու կոթ՝ բռնատեղ.
    11. իրարու ետեւէ շարքի կեցած մարդոց խմբակ. հերթ.
    12. (Փոխաբերական իմաստ) շարժման մէջ եղող թափօրի՝ զանգուածի եւ այլնի վերջամասը.
    13. թելի ծայր.
    14. տառերու՝ գիրերու վարի բարակ մաս.
    15. (Փոխաբերական իմաստ) մէկուն շարունակ հետեւող, անկէ չզատուող (մարդ)։

Տեսակներ
— Աստղի՝ գէս:

— Աղօրիքի դոխին մէջ՝ չխչխիկ:

— Թաւամազ՝ ձետ:

— Հագուստի՝ տտուն:

— Ձարաւոր՝ ագի։

— Ոչխարի՝ դմակ։

— Պզտիկ՝ պոչիկ, պոչուկ։

— Պոչը կտրած՝ պոչատ։

Բաղադրեալ Բայեր
Պոչ բռնել
չէզոք բայ իրարու ետեւ կանգնած՝ կարգի՝ հերթի սպասել։

Պոչ դառնալ, Պոչ ըլլալ
չէզոք բայ
    1. առանց հրաւէրի, մէկուն ընկերանալ, անցանկալի ուղեկից՝ ընկեր դառնալ.
    2. մէկուն շարունակական հետեւորդը ըլլալ։

Պոչ խաղցնել
չէզոք բայ
    1. մէկէն ակնկալութիւն մը ունենալով՝ շողոքորթել.
    2. խորամանկութեամբ բանի մը միջամտել՝ մատ խառնել.
    3. խորամանկութիւն ցուցաբերել.
    4. գործը իր ժամանակին չհասցնելով՝ պատրուակներ ցոյց տալ.
    5. յանկուցիչ ձեւեր ընել հաւնուելու համար:

Պոչ փակցնել
ներգործական բայ անհիմն կերպով մէկը զրպարտել, մէկուն վրայ թերութիւն գտնել։

Պոչէն բռնել
ներգործական բայ
    1. փախչիլ ուզողը բռնել, ձեռք անցընել.
    2. ձերբակալել։

Պոչէն բռնել-երթալ
ներգործական բայ նոյն բանը կրկնել՝ երկարել։

Պոչը բաց ձգել
ներգործական բայ ձեռքէ ազատ ձգել, աչքէ՝ տեսողութենէ հեռանալու կարելիութիւն տալ։

Պոչը դուրս գալ
չէզոք բայ յայտնի ըլլալ, գաղտնիքը երեւան ելլել։

Պոչը ծռել
ներգործական բայ բանէ մը խուսափիլ, ինքզինք հեռու պահել։

Պոչը կտրել
ներգործական բայ
    1. մէկը տեղէ մը քշել՝ վտարել. ոտքը կտրել.
    2. պաշտօնէ՝ ծաոայութենէ արձակել.
    3. կտրել, կարճեցնել, կրճատել:

Պոչը ոլորել
ներգործական բայ խեղճացնել:

Պոչը պոչին հասցնել
ներգործական բայ ծայրը ծայրին հասցնել, հազիւ հազ կարենալ ապրիլ։

Պոչը տակը առնել, պոչը տակը նստիլ
չէզոք բայ մէկ կողմ քաշուիլ, կծկուիլ։

Պոչը տնկել
ներգործական բայ
    1. պոչը բարձրացնել.
    2. փախչիլ։

Պոչը տրորել
ներգործական բայ
    1. նեղել.
    2. խիստ պատասխան՝ հակահարուած տալ.
    3. նեղացնել, ուրախութիւնը խանգարել:

Պոչը ցցել
ներգործական բայ Տե՛ս Պոչը տնկել։

Պոչը քաշել
ներգործական բայ
    1. ամօթահար լռել.
    2. ձեռք քաշել, հրաժարիլ.
    3. հեռանալ, փախչիլ:

Պոչը քաշել տալ
ներգործական բայ կարգի կանչել՝ հրաւիրել. զգուշացնել, զսպել:

Պոչին կապուիլ
չէզոք բայ Տե՛ս Պոչ դառնալ:

Պոչին կոխել
ներգործական բայ
    1. սաստել, յանդիմանել.
    2. նեղացնել, ուրախութիւնը խանգարել:

Դարձուածքներ
Շան պոչ
ձեւի՝ կարգի չմտնող բան՝ մարդ:

Աղուէսը իր պոչը վկայ կը բերէ
արդարացման համար մէկը իրեն մօտիկ մարդիկ՝ ազգականներ վկայութեան կը կանչէ։

Պոչը աղտոտ
յանցանք գործած, ապօրէն բան մը գործած. մեղաւոր, յանցաւոր։

Պոչը կախ
ընկճուած, յուսահատ, տխուր:

Պոչը կտրած
անարգական խօսք:

Պոչով աստղ
գիսաւոր աստղ։

Պոչով սուտ
յայտնի՝ պոչաւոր սուտ։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2042
Neu!
(beta)
 Usage beta 22 citations 

Usage of matching Word Forms

Usage of matching Lexemes

Auch für das Wort "գէս" Suche in diesen Wörterbüchern:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2026 Nayiri. Armenisch wörterbuch besteht aus 17.718 wörter
The site has 144 dictionaries and 3 books.
Deutsch
Նայիրի / Nayiri.com