Armenische Rechtschreibprüfung
Erhalten HySpell
 Morphology
 Wörterbuch
լակոտ գոյական Շունի ձագ * փողոցային տղայ * ճարպիկ:

Աղբիւր՝ Բառգիրք հայերէն լեզուի։ Անդրանիկ Վրդ. Կռանեան, Պէյրութ, 1998։ Էջ 156։


ԼԱԿՈՏ
գոյական
    1. շան՝ գայլի լակոտ, ձագ։
    2. (անառակ՝) տղեկ, լաճ, լամուկ։

Source: Յարութիւն Թ. Գայայեան, Բառարան Գանձարան Հայերէն Լեզուի. Գահիրէ: Տպագրութիւն Գալֆա (1938): p. 165
Neu!
ԼԱԿՈՏ ի (և լակտոյ)
գոյական
    1. Շան ձագ։
‣ Շան լակոտները խաղում են իրար հետ։
‣ Ձեր լակոտներից երկուսը տուէք, պահեմ մեծացնեմ։

    2. Երբեմն՝ նաեւ ուրիշ կենդանիների ձագ։
‣ Գայլը լակոտի հետ դուրս էր եկել որսի։
‣ Իշու լակոտ (հայհոյանք)։

    3. (Նախատական, բարկացած ժամանակ, կամ ընտանեբար). Երեխայ։
‣ Նրա լակոտներին ո՞վ պիտի մտիկ տայ։
‣ Լակոտները փողոցում նրան հանգիստ չեն տալիս։

    4. Ապօրինի ծնունդ (անարգական)։
‣ Գիտեմ, ո՛ւմ լակոտն է։
‣ Նա ինձ լակոտ ասէ՞։

＋գաւառական նշանակութիւն 5. Սայլի բարձերի տակի երկու հաստ փայտերը, որոնք ուղղակի նստում են սեռնի վրայ. ճամ։

＋գաւառական նշանակութիւն 6. Կամնասայլի մաս. երկու իրար վրայ հաստատված փայտ, որոնց վրայ անց են կացնում ձիու չուանը։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 815
Neu!
(beta)
ԼԱԿՈՏ
գոյական
    1. շան ձագ.
    2. (Փոխաբերական իմաստ) իշու ձագ (անարգական).
    3. (Փոխաբերական իմաստ) երախայ (փաղաքշական կամ նախատական).
    4. (Փոխաբերական իմաստ) փողոցի ձագ (= մանչ), անառակ.
    5. (Փոխաբերական իմաստ) ճարպիկ, վարպետորդի, աչքը բաց։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 761
Neu!
(beta)
ՁԱԳ
գոյական
    1. նոր ծնած թռչուն.

    2. պզտիկ թռչուն.

    3. նորածին կենդանիի ընդհանուր անուն։

Կը նախընտրենք որ ձագ, ձագուկ եզրերը գործածուին կենդանիներու եւ ո՛չ թէ մարդու զաւակներուն համար։ Հետեւաբար՝ աներձագի փոխարէն թելադրելի է աներորդի գործածել։

Տեսակներ
— Աղաւնիի՝ դոխ, աղաւնեակ:

— Աղաւնիի (որձ)՝ վարուժնակ:

— Այծեամի՝ այծեմնիկ։

— Այծի՝ ուլ։

— Այծի (էգ)՝ ալոջ։

— Այծի (միամեայ)՝ ամիկ:

— Առիւծի, վագրի՝ կորիւն։

— Արծիւի՝ արծուաձագ:

— Արջի՝ թոժիւն, քոթոթ։

— Աւանակի՝ քուռակ:

— Բազէի՝ գաւազ, պիլիկ։

— Բորենիի՝ կոռնակ:

— Գոմէշի՝ գխատակ, պլԷճ, գոմշուկ։

— Գորտի՝ շերեփիկ, շերեփուկ, կրօր, գտէլ։

— Եղնիկի՝ եղնորթ:

— Իժի՝ իժակորիւն:

— Իշու, աւանակի՝ քուռակ։

— Լորի՝ լորամարգի։

— Խոզի, կինճի՝ խոճկոր, գոճի։

— Կատուի՝ փիսիկ:

— Կովի՝ հորթուկ, հորթ:

— Հաւի՝ վառեակ:

— Հաւի (նորածին)՝ ճուտ, մժուժ:

— Հաւի (պարարտ)՝ շլփօն:

— Ձիու՝ մտրուկ, ձիաքուռակ։

— Ճանճի՝ մուն։

— Միսի ճանճի՝ ծետուկ:

— Մուկի՝ մկնիկ։

— Շան, գայլի՝ լակոտ:

— Ոչխարի՝ բուծ, գառնուկ։

— Ոջիլի՝ մաթիլ, մնիկ, անիծ։

— Ուղտի՝ կոզռն, կոզռակ, ուղտաձագ։

— Փիղի՝ փղորդի։

— Օձի՝ օձակորիւն, իժակորիւն։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1324
Neu!
(beta)
ՇՈՒՆ
գոյական
    1. շնազգիներու ընտանիքին պատկանող՝ հաջող, մսակեր, սուր հոտառու, մատնագնաց, սրատես եւ շատ հաւատարիմ ընտանի կենդանի մը.
    2. (Աստղգ.) երեք համաստեղութեան անուն, որոնցմէ առաջինը կը կոչուի Մեծ Շուն, հարաւային կիսագունդին մէջ, որուն մէջ կը գտնուի Շնիկ աստղը, իսկ երկուքը, Փոքր Շունը եւ Որսկան Շունը՝ հիւսիսային կէսագունդին մէջ.
    3. (Փոխաբերական իմաստ) յարգանք եւ վստահութիւն չյառաջացնող՝ չտուող անհամակրելի մարդ.
    4. (Փոխաբերական իմաստ) խորամանկ՝ հնարամիտ՝ վարպետ՝ շատ ճարպիկ մարդ.
    5. (Փոխաբերական իմաստ) անբարոյական՝ շնացող կին կամ այր մարդ.
    6. (Փոխաբերական իմաստ) անարգ՝ չարագործ մարդ.
    7. մանկական խաղ. խաղցողը ձախ ձեռքի բթամատն ու ցուցամատը գետնին վրայ կամարաձեւ դնելով, հինգ խաղաքարերէն մէկը շուն կը յայտարարէ, ապա ձեռքի քարը օդը նետելով՝ մնացեալ չորս քարերէն մէկը կը հրէ կամարէն ներս եւ օդը նետած քարը կը բռնէ. եւ այսպէս շարունակաբար։

Տեսակներ
— Գայլ խեղդող՝ գէլխեղդ։

— Դժոխքի՝ Կերբերոս։

— էգը՝ քած։

— Խածնող՝ խածան շուն, կծան շուն։

— Խոշոր՝ գամբռ, գամփռ։

— Ծովու՝ սիգղ։

— Հաջող՝ հաջան։

— Ձագը՝ լակոտ, քոթոթ, շան ձագ, շնիկ, սկունդ։

— Որսի՝ բարակ, քերծէ, որսկան։

— Որսի շուներ՝ պառական, ասպականի:

Բաղադրեալ Բայեր
Շան բախտ ունենալ
ներգործական բայ բախտաւոր ըլլալ, յաջող ըլլալ, յաջողութիւն գտնել:

Շան բերանը շաքար իյնալ
չէզոք բայ շատ լաւ բան գտնել, սակայն յարգը չգիտնալ։

Շան բերանը ոսկոր նետել
ներգործական բայ կաշառք տալ՝ լռեցնելու համար:

Շան գլուխը թաղուած ըլլալ (առաւելաբար՝ ահա՛ թէ շան գլուխը ո՛ւր թաղուած է)
չէզոք բայ ահա՜ թէ ուր է գաղտնիքը, գաղտնիքը հիմա հասկցուեցաւ:

Շան երես ունենալ
ներգործական բայ ամօթի զգացում չունենալ, պատկառանքի զգացում չունենալ։

Շան լափ թափել մէկուն գլխուն, լակ թափել մէկուն գլխուն
ներգործական բայ սաստիկ նախատել, խայտառակ ընել։

Շան ծեծ տալ
ներգործական բայ սաստիկ ծեծել:

Շան հաջոցին մտիկ չընել
ներգործական բայ Տե՛ս շան տեղ դնել։

Շան մահով մեռնիլ
չէզոք բայ շանսատակ ըլլալ։

Շան միս կերցնել
ներգործական բայ նեղել:

Շան պէս պոչ պտըտցնել
ներգործական բայ պոչը շարժել բանի մը ակնկալութեամբ. քծնիլ:

Շան սատակ ընել, շան սատակ ըլլալ
չէզոք բայ սաստիկ չարչարելով սպաննել՝ չարչարուելով սատկիլ:

Շան տեղ դնել
ներգործական բայ հաշուի չառնել, ուշադրութիւն չդարձնել:

Շան քիթէն ջուր խմցնել
ներգործական բայ սաստիկ չարչարել, շատ աշխատցնել:

Շան օրուան հասնիլ՝ շան օրը ձգել՝
չէզոք բայ
    1. շատ գէշ վիճակի մէջ ըլլալ.
    2. խայտառակուիլ:

Շուն դառնալ
չէզոք բայ
    1. սաստիկ զայրանալ, կատղիլ.
    2. ստրկաբար հնազանդիլ, ձայն չհանել։

Շուն դարձնել
ներգործական բայ
    1. կատղեցնել.
    2. խայտառակ ընել.
    3. ստրկացնել, հնազանդեցնել:

Շուն ըլլալ
չէզոք բայ նզովքի ձեւ, որով իրենք իրենց կ՚արգիլեն բան մը ընել կամ վճռապէս կը հաստատեն նախկին որոշումը. օրինակ՝ շուն ըլլամ, եթէ իր տունը ոտք կոխեմ:

Շուն ծեծելով ապրիլ
չէզոք բայ դժուարութեամբ՝ չարչարուելով հազիւ հազ կարենալ ապրուստ ճարել։

Շուն կտրիլ
չէզոք բայ Տե՛ս Շուն դառնալ:

Շուն մարդ ըլլալ
չէզոք բայ
    1. հնարամիտ մէկը ըլլալ.
    2. նպատակին հասնիլ գիտնալ.
    3. վարնոց մէկը ըլլալ.
    4. ստորին բնաւորութեան տէր մէկը ըլլալ։

Շուն ու կատու ըլլալ, շուն ու գայլ ըլլալ
չէզոք բայ անհաշտելի հակառակորդներ ըլլալ, միշտ իրարու հետ կռուիլ։

Շուն քերթել
չէզոք բայ մեծ կարիքը զգալ բանի մը։

Շունէ մազ քաշել, շունէ մազ պոկել
չէզոք բայ կ՚արժէ ժլատէն որեւէ բան պոկել՝ ստանալ։

Շունէ շատ ըլլալ
չէզոք բայ չափազանց շատ՝ բազմաթիւ են (անարգական)։

Շունը հաջեցնել
ներգործական բայ չարախօսելու առիթ տալ:

Շունը տէրը չճանչնալ
ներգործական բայ մեծ խառնակութիւն ըլլալ, իրարանցում ըլլալ:

Շունի եւ գայլի բաժին ընել
ներգործական բայ ի զուր վատնել։

Շունի տեղ չդնել
ներգործական բայ սաստիկ արհամարհել:

Դարձուածքներ
Ասեղ կերած, շուն տրուած
շատ նիհար։

Դեռ սեւ շունի չէ հանդիպած
դեռ անփորձ է:

Դուն որո՞ւն շունն ես
դուն ո՞վ ես, որ կը համարձակիս (արհամարհական՝ անարգական խօսք):

Ինչպէս մէկ դուռի երկու շուն
իրարու հետ շատ սիրով ապրող մտերիմ բարեկամներ։

Իրարու հետ շուն ու գայլ են
անհաշտելի հակառակորդներ են:

Շան բերանէն ինկած, շան բերանէն քաշուած
ճղճղուած, պատռտուած:

Շան ծիծ ծծած, շան ծիծ կերած, շան ծնունդ ծծած, շան կաթ ծծած, շան կաթ կերած
    1. շան ծնունդ.
    2. անդաստիարակ.
    3. պոռնկորդի:

Շան ծին
շնացող մարդու զաւակ՝ ապօրինածին, շան վաստակ։

Շան հաջոց
    1. չարախօսութիւն.
    2. գլխացաւ յառաջացնող խոսակցութիւն:

Շան հաւատարմութիւն
կոյր հաւատարմութիւն, ստրկամիտ հաւատարմութիւն:

Շան հոտ
զզուելի հոտ, գարշելի հոտ։

Շան հոտառութիւն
    1. սուր հոտառութիւն.
    2. (Փոխաբերական իմաստ) կռահելու՝ գուշակելու, մեծ կարողութիւն։

Շան ճրագ
ուրիշի համար պիտանի, տան համար անպէտք:

Շան պոչը բռնած է, շան պոչի կը նմանի
սաստիկ յամառ է։

Շան պոչը որքան ալ կաղապարի՝ մամլակի մէջ դնես, չի շտկուիր
    1. բնածին յատկութիւնը չի փոխուիր.
    2. (Փոխաբերական իմաստ) անուղղայ է, յամառ է։

Շուն բռնող
ոչինչ՝ անպէտք մարդ։

Շուն, գայլ, նորէն մերն է
թէեւ գէշ մարդ է, սակայն մերն է, պէտք է ներել՝ պաշտպանել եւ այլն։

Շուն խաղցնող
անզբաղ մարդ, խեղկատակ:

Շուն ու շնագայլ
շատ շատերը, մեծ բազմութիւն։

Շունը իր շնութիւնը պիտի ընէ
վարնոց մարդը իր անբարոյութիւնը, խորամանկութիւնը եւ չարախօսութիւնը պիտի ընէ։

Շունը կը հաջէ, կարաւանը կը քալէ
շունի հաջոցին՝ մարդոց չարախօսութիւններուն մտիկ չեն ըներ (մտիկ պէտք չէ ընել):

Շունը հաջելով եկեղեցին չ՚աղտոտիր
մաքուր մարդուն անունը չարախօսութիւններէ չ՚արատաւորուիր:

Շունը ձեռքէն հաց չ՚առներ, շունը ձեռքէն հաց չի վերցներ
    1. անարգ մարդ է.
    2. շատ գէշ վիճակի հասած:

Շունը շունէն, երկուքը մէկ տունէն
երկուքն ալ գէշ են եւ զիրար կը պաշտպանէն։

Շունը ուտէր, չէր մարսեր
եղած հայհոյանքներն ու անարգանքները անմարսելի էին։

Քու շունդ եմ, քու շունդ ըլլամ
աղերսական խօսք (քեզի հլու՝ հնազանդ եմ):

Յարակից Բառեր
— Շունի կեր՝ լակ, լափ։

— Շունի հաջոց՝ հաջիւն, կաղկանձ, կաղկանձիւն, կնծկնծոց, զնգստոց, զնկզնկոց. բարկութեան՝ խռլտոց, երկարաձգուած՝ ոռնում, ոռնոց։

— Շունի պառկելու տեղ՝ շնթռոց:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1804
Neu!
(beta)
ՏՂԱՅ
գոյական
    1. նորածին կամ ծծկեր երեխայ՝ մանչ կամ աղջիկ.

    2. փոքրահասակ երեխայ մինչեւ պատանեկութեան տարիքը՝ հասակը՝ մանչ կամ աղջիկ.

    3. արական սեռի որեւէ հասակի անձ իր ծնողքին նկատմամբ. որդի, զաւակ.

    4. արական սեռի փոքրահասակ երեխայ. մանչ զաւակ.

    5. պատանի, երիտասարդ.

    6. երիտասարդ ամուրի անձ. փեսացու.

    7. յոգնակի նոյն գործով զբաղած երիտասարդներու խումբ. օրինակ՝
‣ օ՛ն տղա՛ք, ձեզ տեսնեմ, յաղթանակը մերն է.

    8. փոքրահասակ ծառայ՝ սպասարկող տունը կամ խանութը.

    9. չափահաս մարդու կողմէ ծանօթ կամ անծանօթ երիտասարդին դիմելու բարեկամական՝ սիրոյ ձեւ.

    10. խաղաթուղթի տրցակին մէջ զինուորի պատկեր կրող թուղթը.

ածական
    11. (Փոխաբերական իմաստ) փոքր, տհաս, անչափահաս.

    12. (Փոխաբերական իմաստ) կտրիճ, քաջ, անվեհեր։

Տեսակներ
— Թուրքի՝ քիւրտի՝ լամուկ:

— Շփացած՝ պայլանկ:

— Պզտիկ՝ տղեկ, լաճ:

— Փողոցի՝ լակոտ, ստահակ։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 2291
Neu!
(beta)
 Usage beta 52 citations 

Usage of matching Word Forms

Usage of matching Lexemes

Auch für das Wort "լակոտ" Suche in diesen Wörterbüchern:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. Armenisch wörterbuch besteht aus 17.718 wörter
The site has 144 dictionaries and 3 books.
Deutsch
Նայիրի / Nayiri.com