Free Armenian spellchecker
Get HySpell now!
 Dictionary
ԿԱԽ (արմատ Կախել՚ի)
ածական
    1. Կախված, կախ ընկած։
‣ Նա միշտ ման էր գալիս գլուխը կախ։
‣ Կախ պռօշներ ունի։

(Աւելի յաճախ գործ է ածվում բայերի հետ՝ կազմելով բաղադրեալ բայեր)։

Phrasal Verbs
Կախ անել, Կախ տալ
ներգործական բայ Կախել։
‣ Գլխարկդ ծառի ճիւղից կախ արա։
‣ Ոչխարի կէսը չանգալից կախ էր տուել։

Կախ լինել
կրաւորական չէզոք բայ Կախվել։
‣ Վերարկուս այստեղ կախ էր, ո՞վ վերցրեց։
‣ Օր ու գիշեր լապտերն այստեղ կախ է։

Կախ գցել, Կախ ձգել
ներգործական բայ Կախել, կախված դրութեամբ թողնել։
‣ Ինչո՞ւ ես գլուխդ կախ գցել։
‣ Ոտները կախ էր ձգել ջրի մէջ։

Կախ ընկնել
չէզոք բայ Կախվել, կախված դրութեամբ մնալ։
‣ Հասուն ողկոյզները կախ էին ընկել վազերից։
‣ Փուշը շորիս կպաւ ու կախ ընկաւ, չեմ կարող պոկել։

գոյական
＋dialectal meaning 2. Փոքր երեխայի առնի անդամ, ճուճուլ։
‣ Այ տղայ, կախդ բաց է։

    3. Փոխանակ Ղախ։ Տե՛ս Ղախ։

Phrasal Verbs
Սիրտը կախ լինել
չէզոք բայ Սիրտը չի ուզում։
‣ Սիրտը կախ է, լուրջ չի կպած գործին։

Ոտքը կախ գցել
չէզոք բայ Յապաղել մի տեղում, մի առիթ գտնել չհեռանալու։
‣ Հաշիւներս վերջացրինք, բայց նա ոտքը կախ էր գցել, երեւի մի փորացաւ ունէր։

Մէկի օձիքից կախ ընկնել
չէզոք բայ Մէկին կպչել ու մնալ, մէկից ձեռք չքաշել, ձիւթի պէս կպչել։
‣ Հիմայ էլ հօրեղբօր օձիքից է կախ ընկել, ձեռք չի քաշում նրանից։
‣ Ա՛յ մարդ, ի՞նչ ես օձիքիցս կախ ընկել. վա՛զ եկ ինձանից։

Phrases
Ամպերը կախ են
Ցած՝ անձրեւային ամպեր են, անձրեւ պիտի գայ։

Մռութը կախ, Մռութները կախ
ածական Խոժոռած, դժգոհ, բարկացած։
‣ Ինչո՞ւ են մռութներդ կախ, ի՞նչ է պատահել։
‣ Երկու օր է՝ մռութը կախ է։

Քիթը կախ, Քիթը մռութը կախ
ածական
    1. Մռութը կախ։

    2. Տրամադրութիւնը վատ, տխուր։
‣ Գուցէ հիւանդացած լինի, այս քանի օրս քիթը կախ էր։

⨀old word Ի կախ
մակբայ Կախված դրութեամբ։

Առ կախ
մակբայ Կախված դրութեամբ, կիսատ, անկատար։
‣ Հարցը առ կախ մնաց։
‣ Քննութիւնը չվերջացրին, առ կախ թողին։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 1000
New!
(beta)
ԿԱԽ
գոյական
    1. արմատ կախել բայի.

ածական
    2. կախուած, առկախ (վերէն վար).

    3. հակած (գլուխը՝ վիզը).

գոյական
    4. փոքր երեխայի առնանդամ, ճուճուլ.

(Թրքերէն ճիւճիւկ).

    5. (Արաբերէն kâk = չոր պտուղ, չիր) հում-հում ուտուող չորցուած պտուղ, չիր, ղախ:

Phrasal Verbs
Կախ ձգել
ներգործական բայ կախուած դրութեամբ պահել.

կախ իյնալ
չէզոք բայ կախուած դրութեամբ մնալ, կախուիլ.

Phrases
մռութը կախ, քիթը կախ
ածական դժգոհ, խոժոռած, բարկացած.

երեսը կախ
ածական տխուր:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 943
New!
(beta)
Also search for "եցի" in these imaged dictionaries:

Dialectal and Idiomatic

Classical Armenian

Names

Plant names

Specialized

© 2026 Nayiri. Armenian-English dictionary contains 17,718 words.
The site has 144 dictionaries and 3 books.
English
Նայիրի / Nayiri.com