Free Armenian spellchecker
Get HySpell now!
 Morphology

Matching Word Forms

մայր լեզու → մայր լեզու

Matching Lexemes

 Dictionary
ԼԵԶՈՒ (լեզուի, լեզուաց)
գոյական
    1. (Կազմախօսական) Մարմնի գործարան, զետեղված բերանի մէջ, մսոտ, տափակ, երկայնաձեւ, դիւրաշարժ, որ ծառայում է կերակուրը ծամելիս շուռ տալու, ճաշակելու, նոյնպէս և խօսելու։
‣ Լեզուն արտադրում է թուք, որ փափկացնում է կերակուրը և նրան դիւրամարս է դարձնում։
‣ Բժիշկը նայում է լեզուին և նրա գոյնից, խոնաւութեան աստիճանից և մաքրութիւնից եզրակացութիւն է անում հիւանդի դրութեան մասին։
‣ Ձկներն ու որդերը լեզու չունին։

    2. (Նմանութեամբ) Մետաղէ մուրճ, որով խփում են զանգի շրթին և հնչեցնում զանգը։
‣ Լեզուն կախված է զանգի մէջ տեղից, ներքեւից կապած է թոկ, որով տանում բերում են լեզուն և խփում զանգի պատերին։

    3. Ցամաքի մի կտոր, որ երկար ձգված է ծովի մէջ։

    4. Բանալիի բունի վրայ յարմարեցրած մետաղէ շերտ, միապաղաղ կամ ծոնդերով, որով բաց են անում կամ փակում են կողպէքը։
‣ Բանալիի լեզուն կոտրվեց ու մնաց կողպէքի մէջ։

    5. Երկայն ձեւի բոց։
‣ Բոցի լեզուները բարձրացան ու սկսեցին լիզել պատի ճակատը։

＋dialectal meaning 6. Բարակ երկայն կաշի, որ դրվում է երեսից կոճկվող կօշկի ճեղքուածքի տակ, որպէսզի գուլպաները չերեւան։

    7. Լեզուն՝ իբրեւ խօսելու գործարան։
‣ Լեզու կայ՝ տուն է շինում, լեզու կայ՝ տուն է քանդում։
‣ Սկսեց լեզուին ոյժ տալ, որ մեզ համոզէ։

    8. Բառերի միջոցով միտք արտայայտելու ընդունակութիւն. խօսք, բարբառ։
‣ Լեզուն նոյնքան հին է՝ որքան ինքը մարդը, որովհետեւ մենք չենք կարող մարդ երեւակայել առանց լեզուի։
‣ Սխալ է այն կարծիքը, թէ սկզբնապէս եղել է մի մայր լեզու, որից իբր թէ առաջ են եկել բոլոր լեզուները։

    9. Որեւէ ազգի լեզու (8)։
‣ Ամեն մարդ սիրում է իւր լեզուն։
‣ Պարսկերէնը և հայերէնը մօտ ազգակից լեզուներ են։
‣ Ռոմանական լեզուներ։

    10. Ամբողջութիւն քերականական և լեզուային այլ կանոնների, որոնք յատուկ են մի լեզուի։
‣ Գիրքը գրված է գեղեցիկ՝ կանոնաւոր լեզուով։
‣ Նա շարունակ մեղանչում է լեզուի դէմ։

    11. Մի հեղինակի բառամթերքը, ոճը, յատկաբանութիւնը։
‣ Սար ու ձոր կայ այս երկու հեղինակի լեզուների մէջ։
‣ Ինձ յայտնի չէ մի այնպիսի պարզ, կուռն ու արտայայտիչ լեզու, ինչպիսին Ստալինի լեզուն է։
‣ Ագաթանգեղոսի պատմութեան խմբագիրը կարծում են Կորիւնին, հիմնվելով երկու գրուածքների լեզուի նմանութեան վրայ։

    12. Մի մասնագիտութեան մէջ գործածվող բառամթերք և ոճաբանութիւն։
‣ Սովետական Հայաստան ստեղծվելու օրից միայն կարելի եղաւ ձեռնարկել իրաւաբանական՝ արդիւնաբերական և առհասարակ գիտական լեզու ստեղծելու մեր մէջ։

    13. Միտքը բառերով արտայայտելու եղանակ։
‣ Դիպլոմատիական լեզու բանեցնել։
‣ Նա բանաստեղծական լեզու ունի։

    14. Միտք արտայայտելու այլ եղանակ՝ առանց բառերի։
‣ Թուանշանների լեզուն շատ պերճախօս և համոզիչ է։
‣ Իրար չէին հասկանում, բայց գիտէին սիրոյ լեզուն, որ սովորել էին բնութիւնից։

⨀old meaning 15. Ազգ, որ խօսում է իւր սեփական լեզուով։
‣ Ազգք և ազինք և լեզուք։
‣ Բոլոր լեզուները կօրհնեն նրա յիշատակը։

    16. Մարդ, որ խօսում է լեզուով։
‣ Նենգաւոր լեզուն մեր մէջ որոմ ցանեց։
‣ Չար լեզուների բամբասանք է այդ։

    17. (Ռազմագիտական) Պատերազմի դաշտում բռնված գերի, որին հարց ու փորձի են ենթարկում՝ թշնամու ոյժերի մասին տեղեկութիւններ ստանալու համար։
‣ Աշխատեցէ՛ք մի-երկու լեզու բռնել (կամ բերել)։

Types
Մայր լեզու
գոյական
    1. Ենթադրական սկզբնական լեզու, որից իբր թէ առաջ են եկել բոլոր գոյութիւն ունեցող լեզուները։

    2. Հին լեզու, որից ծնունդ են առել ժամանակակից այս և այն լեզուները։
‣ Լատիներէնը մայր լեզու է, որի դստրերն են իտալերէնը, ֆրանսերէնը, սպաներէնը, ռումաներէնը։

Մայրենի լեզու
գոյական
    1. Որ երեխան սովորում է իւր մօրից. բնիկ ազգային լեզու։ Հակառակը՝ Օտար լեզու։
‣ Շատ հայեր մոռացել են իրանց մայրենի լեզուն։
‣ Ուսումը սկզբնական շրջանում պէտք է աւանդվի մայրենի լեզուով։

    2. Դասագիրք, որով աւանդվում են մայրենի լեզուի դասերը։

Ազգային լեզու
գոյական Որ տուեալ ազգի մայրենի լեզուն է։

Պետական լեզու
գոյական Պետութեան հիմնական կամ յատուկ օրէնքով ընդունված լեզուն, որով վարվում են պետական ակտերը և պաշտօնական յարաբերութիւնները քաղաքացիների հետ, ինչպէս նաեւ պետական դպրոցներում դասաւանդվող առարկաները։

Բուրժուական կարգերում նոյնանում է տիրող ազգի կամ դասակարգի լեզուի հետ։
‣ Ցարական կառավարութիւնը ամեն կերպ աշխատում էր ճնշել տեղական ազգային լեզուները և ոյժ տալ պետական լեզուի ծաւալման։

Մեռած լեզու
գոյական Հին լեզու, որ այժմ չի խօսվում և չի գրվում։
‣ Գրաբարը մեռած լեզու է։

Կենդանի լեզու
գոյական Որ այժմ խօսվում է և գրվում։
‣ Կենդանի լեզուն լինում է գրական, գաւառական։

Գրաբար լեզու
գոյական Հայերէն հին լեզուն, որ դեռ կենդանի էր 5-8 դարերում, որով թարգմանված է Աստուածաշունչը և գրվում էին գրքերը մինչեւ 19-րդ դարը և որով կատարվում էր ժամերգութիւնը հայոց եկեղեցիներում։

Կլասիկական լեզուներ կամ, Դասական լեզուներ
յոգնակի գոյական Հին յունարէնը և լատիներէնը։

Սուրբ լեզու
գոյական Հին եբրայեցերէնը, որով գրված է Հին Կտակարանի սկզբնական բնագիրը։

Հին լեզուներ
յոգնակի գոյական Յատկապէս կլասիկական լեզուներ։

Phrasal Verbs
Լեզու առնել, Լեզու ելնել, Լեզու ելլել
չէզոք բայ
    1. Խօսել սկսել (երեխայի)։
‣ Մեր մեծ աղջիկը մի տարեկան էր որ լեզու ելաւ։

    2. Խօսելու ընդունակութիւն ստանալ։
‣ Ծառը (ծիտը …) լեզու առաւ (կամ լեզու ելաւ) ու ասաց (հեքիաթների մէջ)։

Լեզու թափել
չէզոք բայ Ճարտար խօսել, աշխատել մէկին համոզել։
‣ Այնպէս լեզու թափեց, որ մարդուս խելքը հաճեցրեց։

Լեզու խառնել
չէզոք բայ Քսութեամբ երկու կողմերի մէջ կռիւ ձգել։
‣ Ես գիտեմ, որ մեր մէջ լեզու խառնող կայ։

Լեզու հանել
չէզոք բայ
    1. Խօսել տալ, խօսել սովորեցնել։
‣ Երեխայի հետ մի քանի օր պարապեց ու երեխային լեզու հանեց։

    2. Լեզուն բերանիցը դուրս հանել՝ աղաչելու նպատակով։
‣ Օձը լեզուն հանում է, աղաչում է որ չխփեն։

    3. Նմանութեամբ Աղաչել, աղերսել։
‣ Հազար անգամ լեզու հանեց, աղաչեց － չեղաւ։

    4. Լեզուն դուրս կախել բերանից՝ մէկին ծաղրելու համար։
‣ Գիտե՞ս ո՛ւմ ես լեզու հանում. նա իմ ուսուցիչն է եղել։

Լեզուն բաց անել
չէզոք բայ Սկսել խօսել (լռութիւնից յետոյ)։
‣ Ընթրիքի ժամանակ օտարականը լեզուն բաց արաւ ու սկսեց պատմել գլխին եկածները։

Լեզուն բռնվել
չէզոք բայ Տե՛ս Լեզուն կապվել։

Լեզուն դառնալ
չէզոք բայ Արտասանել կարողանալ (դժուարահնչիւն բառ)։
‣ Մի դժուար բառ է, լեզուս էլ չի դառնում որ ասեմ։

Լեզուն երկարացնել
չէզոք բայ Ըմբոստանալ, խօսելու չափ ու սահմանից դուրս գալ։
‣ Հէնց որ տանը տէր դարձաւ՝ լեզուն երկարացրեց։
‣ Լեզուդ շատ մի՛ երկարացնի։

Լեզուն խածել
չէզոք բայ Խօսելու ժամանակ լռել։ Համեմատել Լեզուն կծել։

Լեզուն կապել
ներգործական բայ Պապանձեցնել (կտրուկ պատասխան տալով)։
‣ Նրա բոլոր ասածները ջրեցի ու լեզուն կապեցի, էլ չկարողացաւ բան ասել։

Լեզուն կապ ընկնել, Լեզուն կապվել, Լեզուն կպչել
չէզոք բայ Խօսել չկարողանալ, պապանձվել, լեզուն բռնվել։
‣ Ահագին օձը որ տեսայ՝ սարսափից լեզուս կապ ընկաւ։
‣ Նրա լեզուն կապվել է, չի կարող խօսել։
‣ Երբ նրա յանցանքները մէկիկ մէկիկ թուեցին՝ նրա լեզուն կապվեց, էլ ոչինչ չկարողացաւ ասել։

Լեզուն կարճ բռնել
չէզոք բայ Լռել, գաղտնիքը պահել, չտարածել։

Լեզուն կծել
չէզոք բայ
    1. Լեզուն խածել։

    2. Մի մութ բան հասկանալ, գլխի ընկնել, մի մոռացված բան յիշել։
‣ Նա լեզուն կծեց, թէ սա այն մարդն է, որ ուղարկված է գաղտնի բանակցութիւնների համար։

Լեզուն իրան պահել
չէզոք բայ Խօսելիս զգոյշ լինել, չխօսել։
‣ Լեզուդ քեզ պահիր, թէ չէ կփոշմանիս։

Լեզուին տալ
չէզոք բայ Շատախօսել, շաղակրատել, դուրս տալ, անտեղի խօսել։
‣ Շատ ես լեզուիդ տալիս։
‣ Նստել լեզուին է տալիս, թէպէտ ոչ ոք նրան չի լսում։

Phrases
⨀old word Լեզու կօշկի
գոյական Կօշկի ծայրը։

Թունաւոր լեզու, Չար լեզու, Օձի լեզու
գոյական Կծող՝ խայթող՝ չարախօսող լեզու։

Լեզուն երկայն
ածական Ըմբոստ՝ համարձակ խօսող։
‣ Լեզուդ շատ երկայն է, պէտք է կարճացնել։
‣ Իրաւունք ունիմ, ուստի լեզուս էլ երկայն կլինի։

Լեզուն կարճ
ածական Խօսելու իրաւունքից զրկված. անհամարձակ խօսող։ Հակառակը՝ Լեզուն երկայն։
‣ Իրաւունքը նրանն է, մեր լեզուն կարճ է. ի՞նչ կարող ենք անել։
‣ Ոյժ չունիս՝ լեզուդ կարճ արա։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 824
New!
(beta)
1. ՄԱՅՐ մօր (մարբ, մարք, մարց, մարբք)
գոյական
    1. Կին, որ երեխայ է ծնել, ＋մէր, ＋մար, ＋մարէ։
‣ Ի՞նչ աղջիկ, նա արդէն երկու երեխայի մայր է։
‣ Մայր լինիս, մօր յարգը հասկանաս։
‣ Մայր է դարձել, բայց էլի նոյն երեխան է մնացել։

    2. Ծնող կինը իւր զաւակի նկատմամբ, իգական սեռի ծնող։ Հակառակը՝ Հայր։
‣ Նա իմ կինն է, իմ երեխաների մայրը։
‣ Հայրս մեռել է, մայրս դեռ կենդանի է։
‣ Մայր ու որդի նստած խօսում էին։

    3. Կենդանիների էգը, որ ձագեր է բերել։
‣ Ո՞ր կովն է այս հորթի մայրը։
‣ Գառները խայտալով ծծում էին իրանց մայրերին։
‣ Ձագերը մտան իրանց մօր թեւերի տակ որ տաքանան։

    4. Նմանութեամբ (Եկեղեցական) Կանանց վանքի մեծաւորուհի, մայրապետ։
‣ Քոյրս հիւանդ է, թոյլ կտա՞ս, մայր, գնամ նրան խնամելու։

    5. Փեթակի մէջ միակ էգ մեղուն, որ ձու է ածում, թագուհի (5)։
‣ Մայր չունեցող փեթակը կաւերվի։
‣ Փեթակին պէտք է նոր մայր տալ։

＋dialectal meaning 6. Երեխաների խաղի ժամանակ՝ խաղացող խմբերից ամեն մէկի գլխաւորը, որի կարգադրութեան ենթարկվում են միւս խաղացողները։
‣ Ես ու Արսէնը մայր կանգնեցինք, խաղացողները զոյգ-զոյգ գալիս էին մեր առաջ, և մենք ընտրում էինք նրանցից մէկին մի խմբի համար, միւսին՝ միւսի։
‣ Մայր են ընտրում աւելի մեծին կամ աջող խաղացողին։

    7. Քացախի երեսին բռնած բարակ մաշկը, որ նպաստում է հեղուկի շուտով քացախելուն։

Համեմատել Հորթ (2)։

    8. (Տպարանական) Մետաղեայ կաղապար, որի մէջ ածելով հալած արճիճը՝ ձուլում են տպարանական տառեր։
‣ Առաջ վարպետը պողպատի վրայ փորագրում է հայրեր, սրանցից ստացվում են մայրեր, իսկ սրանցից ձուլվում են ձագեր, այսինքն տպարանական տառեր։
‣ Այդ տառերի մայրեր չունինք, որ ձուլենք։

    9. Զգեստների վրայ՝ յատուկ ճեղքուածք, որի միջով անց են կացնում կոճակը, կամ օղակ, որի վրայ հագցնում են կեռմայրն, ու կոճկում, (այս նշանակութեամբ գործ է ածվում գաւառական արտասանութեամբ՝ մէր)։

    10. Փոխաբերաբար Ուրիշին կերակրող, խնամարկող, գթացող կին։
‣ Նա բոլոր որբերի մայրն էր։
‣ «Մեր ամենիս դու մայր էիր գըթառատ»։

    11. Երկիր, որտեղ մի բան առաջ է եկել, սկսվել։
‣ Հին Յունաստանը համարվում է արուեստների ու գիտութիւնների մայր։

    12. Պատճառ, մի երեւոյթ առաջ բերող։
‣ Բոլոր չարիքների մայրը նա եղաւ։
‣ Անգործութիւնը մայր է ամեն տեսակ մոլութիւնների։

ածական
    13. Գործ է ածվում ածականաբար, իբրեւ մակդիր գոյականների մօտ, օրինակ.
‣ մայր երկիր, մայր լեզու ևն։

Տե՛ս Ներքեւը։

Phrasal Verbs
⨀old word Ի մայրն դարձուցացնել զճրագ
չէզոք բայ Ճրագը մարել, հանգցնել։

Մայրը մտնել, Մայր մտնել
չէզոք բայ Արեգակի կամ լուսնի արեւմտեան հորիզոնում ծածկվելը։
‣ Արեւը մայրը մտաւ, վերջացրէք։
‣ Լուսինը մայր մտնելուց յետոյ բոլորովին մթնեց։

Phrases
Մայր ամենայն չարեաց
գոյական Չարիքների աղբիւր։
‣ Մասնաւոր սեփականութիւնն է մայր ամենայն չարեաց, պէտք է դա վերացնել։

⨀old word Մայր արեւու
գոյական Արեգակի մայր մտնելու տեղը, արեւմուտք։

⨀old word Մայր դիեցիկ
գոյական Ծծմայր։

⨀old word Մայր հասարակաց
գոյական Բոլորի մայրը, մայր երկիրը, հողը։

⨀old word Մայր վանից
գոյական Վանամայր, մայրապետ։

⨀old word Մայր քաղաքաց
գոյական Քաղաքների մայրը, մայրաքաղաք։

Մայր Աթոռ
գոյական (Եկեղեցական) Քրիստոնէական եկեղեցիներում այն գլխաւոր տաճարը, որտեղ նստում է տուեալ եկեղեցու հայրապետը, մասնաւորապէս՝ Էջմիածնի տաճարը, որ ամենայն հայոց կաթողիկոսի աթոռանիստ է։
‣ Մայր աթոռի տպարանը։
‣ Գէորգ Դ. կաթողիկոսի հիմնած ճեմարանը կոչվում էր Ճեմարան Մայր աթոռոյ Սրբոյ Էջմիածնի։

Մայր Աստուածածին, Մայր Աստուծոյ
գոյական (Կրօնական) Ս. Կոյս Մարիամը, Քրիստոսի մայրը։

Մայր Արաքս
գոյական Արաքս (Երասխ) գետը, իբրեւ մայրենի երկրի բնիկ գետ։
‣ «Մայր Արաքսի ափերով Քայլամոլոր գնում եմ»։

Մայր դպրոց
գոյական Այն դպրոցը, որտեղ մէկը ուսում, կրթութիւն է ստացել։
‣ Դուք աւարտում, հեռանում էք, բայց չմոռանաք ձեր մայր դպրոցը, որ ձեզ կրթութիւն է տուել։

Մայր եկեղեցի
գոյական
    1. (Կրօնական) Որեւէ քրիստոնէական դաւանութեան աթոռանիստ եկեղեցին, մայր աթոռը։

    2. (Կրօնական) Քաղաքի մի քանի եկեղեցիներից գլխաւորը, որտեղ նստում է առաջնորդը։

    3. (Եկեղեցական) Իբրեւ յատուկ անուն՝ Անիի գլխաւոր կիսակործան եկեղեցին։
‣ Մայր եկեղեցու յատակագծով ու տեսքով շինված է Լենինականի Ս. Փրկիչ եկեղեցին։

Մայր երկիր
գոյական
    1. Երկիրը, հողը, որ սնուցանում է բոլոր մարդկանց ու կենդանիներին կամ որից առաջ են եկել բոլոր կենդանի արարածները։
‣ Մայր երկիրն է բուսցնում կեանքի համար անհրաժեշտ բոլոր նիւթերը։
‣ Կթաղվիմ կհանգչիմ մայր երկրի ծոցում։

    2. Այն երկիրը, որ ուրիշ տեղ հիմնել է գաղութ։
‣ Գաղութները մայր երկրի հետ կապված են իրաւաբանական և տնտեսական կապերով։
‣ Գաղութներն օգնութեան հասան մայր երկրին։

Մայր թագուհի
գոյական Թագաւորի այրիացած մայրը։

Մայր լեզու
գոյական Այն սկզբնական լեզուն, որից ճիւղաւորվելով առաջ են եկել առանձին-առանձին լեզուներ։
‣ Հայերէնը, պարսկերէնը, յունարէնը, սլաւոներէնը ևն ըստ հնդեւրոպական լեզուաբանութեան դստրեր են մի մայր լեզուի, որ այժմ անհետացել է և կոչվում է հնդեւրոպական նախալեզու։

Մայր Հայաստան
գոյական Հայաստան՝ իբրև բնիկ հայրենիք հայերի։
‣ Մայր Հայաստանը ողբում էր իւր զաւակների կորուստը։

Մեծ մայր
գոյական Տատ, մամ, հօր կամ մօր մայրը։
‣ Այս բանը մեծ մայրս էր պատմում։

Տե՛ս եւ Ծծմայր, Կնքամայր, Մէր, Մէրան, Մօրու, Նախամայր, Տատմէր ևն։

Source: Ստեփան Մալխասեանց, Հայերէն բացատրական բառարան. Երեւան: Հայկական ՍՍՌ Պետական Հրատարակչութիւն (1944): p. 1395
New!
(beta)
ԼԵԶՈՒ
գոյական
    1. մարմինի գործարան՝ զետեղուած բերնի մէջ՝ մսոտ՝ տափակ՝ երկայնաձեւ՝ դիւրաշարժ՝ որ կը ծառայէ խօսելու՝ նոյնպէս ծամուելիք ուտելիքը բերնին մէջ դարձնելու.
    2. բառերու միջոցաւ միտք արտայայտելու ընդունակութիւն, խօսք, բարբառ.
    3. խօսուածք, ոճ, յատկաբանութիւն, ոճաբանութիւն.
    4. բառամթերք, բառապաշար, բառագանձ.
    5. ամբողջութիւն քերականական ու լեզուական կանոններու, որոնք յատուկ են լեզուի մը.
    6. մետաղէ մուրճ կամ ուռ, որով կը զարնեն ու կը հնչեցնեն զանգակը.
    7. ցամաքի բարակ կտոր՝ որ երկարած է ծովուն մէջ.
    8. կղպանքի՝ փականքի սողնակ, որով կը բանան ու կը գոցեն դուռը.
    9. բարակ՝ երկայն կաշի՝ որ կօշիկի բացուածքը գոցելու կը ծառայէ.
    10. (Փոխաբերական իմաստ) երկայն ձեւի բոց.
    11. կշիռքի մէտ.
    12. ազգի մը սեփական լեզուն։

Types
Մայր լեզու
գոյական ենթադրական սկզբնական լեզու, որմէ իբր թէ գոյութիւն ունեցող բոլոր լեզուները առաջ եկած են։

Ներկայիս ունի մայրենի լեզու իմաստը։

Մայրենի լեզու
գոյական
    1. մօրմէն սորված՝ բնիկ ազգային լեզու,
    2. հայերէն դասագիրքի անուն։

Պետական լեզու
գոյական պետութեան կողմէ ընդունուած եւ պարտադրուած լեզու։

Մեռած լեզու
գոյական հին լեզու, որ այժմ դադրած է գործածութենէ. օրինակ՝
‣ լատիներէնը եւ մեր գրաբարը, որոնք պահուած են յատկապէս եկեղեցւոյ մէջ:

Դասական լեզու, Գրաբար
գոյական հին կամ գիրքի լեզու։

Աշխարհաբար լեզու
գոյական շուկայի կամ խօսակցական լեզու, որ երկու մասերէ կը բաղկանայ,－

ա) արեւմտահայերէն կամ թրքահայերէն,

բ) արեւելահայերէն կամ ռուսահայերէն:

Կենդանի լեզու
գոյական ապրող եւ գործածական լեզու։

Phrasal Verbs
Լեզու ելլել
ներգործական բայ խօսիլ սկսիլ (երեխայի).

լեզու թափել
ներգործական բայ ճարտար խօսիլ՝ մէկը համոզելու համար.

լեզու կտրիլ, լեզու դառնալ
ներգործական բայ առանց դժուարութեան ու անդադար խօսիլ.

լեզու հանել
ներգործական բայ
    1. խօսիլ սորվեցնել,
    2. աղաչել, աղերսել,
    3. ծաղրել, հեգնել.

բերանը լեզու դնել
ներգործական բայ առիթ՝ պատճառ տալ ընդդիմախօսելու.

բերանը լեզու ունի
ներգործական բայ կրնայ պատասխանել՝ առանց քաշուելու.

լեզուն բացուեցաւ
չէզոք բայ լռութիւնը խզեց եւ սկսաւ երկարօրէն ճառել.

լեզուն կապուիլ
չէզոք բայ պապանձիլ.

լեզուն ոռը խոթել
ներգործական բայ պապանձեցնել, լռեցնել.

լեզուն բռնուիլ, լեզուն կապուիլ
չէզոք բայ
    1. շփոթիլ,
    2. պապանձիլ.

լեզուն երկարել
չէզոք բայ համարձակիլ՝ ըմբոստանալ.

լեզուն խածնել
չէզոք բայ ափիբերան մնալ.

լեզուն խառնուիլ
չէզոք բայ շփոթիլ.

լեզուն փորը քաշել
ներգործական բայ ձայնը կտրել, լռել.

լեզուն ծամել
ներգործական բայ չհամարձակիլ ըսելիքը շեշտակի յայտնել.

լեզուն ծռել
ներգործական բայ խօսքը փոխել.

լեզուն կարճ կապել, լեզուն կարճ բռնել
ներգործական բայ
    1. չերկարել,
    2. գաղտնիքը պահել.

լեզուն ցամքիլ, լեզուն չորնալ
չէզոք բայ
    1. թուքը չկարենալ կլլել,
    2. սաստիկ վախնալ.

լեզուն փորը իյնալ
չէզոք բայ վախէն լռել.

լեզուին կապը՝ փականքը բացուիլ
ներգործական բայ խօսելու ազատութիւն ստանալ.

լեզուին կապերը քանդել
ներգործական բայ սանձարձակ՝ համարձակ խօսիլ.

լեզուի իյնալ
ներգործական բայ բամբասուիլ.

լեզուի տակ մնալ
ներգործական բայ չկարողանալ պատասխանել.

լեզուի տակ չմնալ
ներգործական բայ կարողանալ պատասխանել.

լեզուին ոյժ՝ զօր տալ
ներգործական բայ ջանալ ճարտար խօսքերով համոզել.

լեզուին տալ
չէզոք բայ բերանը եկածը ըսել, շատախօսել.

լեզուին կապանք դնել
ներգործական բայ չխօսիլ.

լեզուով ճնճղուկ բռնել, լեզուով ճնճղուկ որսալ
չէզոք բայ շատ ստախօս՝ սնապարծ ըլլալ.

լեզուով տուն քանդել
ներգործական բայ դժբախտացնել.

անոյշ լեզուն օձը ծակէն դուրս կը հանէ
ներգործական բայ կրնայ տարհամոզել.

Phrases
թունաւոր՝ չար՝ օձի լեզու
կծող՝ խայթող՝ չարախօսող լեզու.

լեզուիս վրայ մազ բուսաւ խօսելէ
ձանձրացայ խօսելէ զիս չհասկցողներուն.

լեզուն բերանին մէջ կը դառնայ
խօսիլ գիտէ.

լեզուին տակ քար կայ
գաղտնիք ունի յայտնելու.

լեզուդ կարճ կապէ
    1. մի՛ երկարեր,
    2. մի՛ շարունակեր.

լեզուդ բռնէ
մի՛ խօսիր, մի՛ ձաբռտեր.

լեզուդ քեզի քաշէ
լռէ՛, ձայնդ կտրէ՛.

լեզուն երկայն
ածական համարձակախօս, ըմբոստ.

լեզուն կարճ
խօսելու իրաւունքէն զրկուած.

լեզուդ քեզի պահէ
զգուշացիր խօսելէ, մի՛ խօսիր.

լեզուիս ծայրն է
յիշելու պէս ըլլալ եւ սակայն չկարենալ յիշել.

այդ քու լեզուդ չըլլար՝ ագռաւները աչքերդ կը փորէին
մի՛այն լեզուդ է որ քեզ կը փրկէ.

չար լեզուն անտառներ կրնայ հրդեհել
ամէն բանի կարող է.

մէկ օր ալ ուշ ծնէիր՝ լեզու պիտի ծնէիր
շատ շատախօս ես.

լեզուդ համբուրեմ՝ պագնեմ
շատ լաւ խօսեցար:

Ըստ Հրաչեայ Աճառեանի՝ շուրջ 1500 լեզու կը խօսուի աշխարհիս վրայ (ԼԻԱԿԱՏԱՐ ՔԵՐԱԿԱՆՈՒԹԻՒՆ ՀԱՅՈՑ ԼԵԶՈՒԻ, Երեւան, 1955, Ներածութիւն, էջ 13)։

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 768
New!
(beta)
ՄԱՅՐ
գոյական
    1. կին՝ որ զաւակ ծներ է, զաւակ ունի.

    2. ծնող կինը՝ իր զաւակներէն դիտուած.

    3. կենդանի՝ որ ձագ ծնած է.

    4. մետաղեայ կաղապար, որուն մէջ կը թափեն հալած մետաղը եւ տառեր կը ձուլեն. տառամայր, բուն, նախատիպ.

    5. կուսանոցի պատասխանատու. մայրապետ.

    6. ծառի տեսակ մը. մայրի, սոճի, նոճի.

    7. (Փոխաբերական իմաստ) պատճառ, սկիզբ, աղբիւր.

    8. սնուցման, զարգացման օրրան.

    9. ուրիշներու հանդէպ մայրական հոգածութիւն ցուցաբերող կին.

ածական
    10. գլխաւոր, հիմնական.
‣ մայր աթոռ։

Types
— Կնքուած երախայի մը մայր՝ սանամայր։

Դիեցիկ մայր
գոյական ծծմայր, ստնտու։

Խորթ մայր
գոյական մօրու:

Մեծ մայր
գոյական մամ, ջոջիկ, տատ, հանի։

Մեղուներու մայր
գոյական պարսամայր։

Տպագրական տառերու մայր
գոյական բուն, նախատիպ, կաղապար, տառամայր։

Derivatives
Գոճեմայր
գոյական խոզի տեսակ մը։

Phrasal Verbs
Մայր մտնել
չէզոք բայ մթնել։

Մայրը լացնել
ներգործական բայ
    1. մեծ վիշտ պատճառել.
    2. սպաննել։

Մօրը ելլել, Մօրը քաշել
չէզոք բայ մօրը նմանիլ բնաւորութեամբ եւ տեսքով։

Phrases
Ծովու մայր
գոյական ծովամայր։

Կենդանի մը, որ երբ դպչի մարդկային մարմնին, իր խայթիչ մազերով կը վիրաւորէ մորթը եւ կը ներարկէ թոյն մը, որ բշտռկիչ յատկութիւն ունի (Ֆրանսերէն méduse)։

Մայր գումար
գոյական դրամագլուխ։

Մայր եկեղեցի
գոյական կաթողիկէ, մայր տաճար:

Մայր երկիր
գոյական բնաշխարհ, բնօրրան։

Մայր թռչուն
գոյական մարի։

Մայր լեզու
գոյական նախալեզու։

Մայր հող
գոյական հայրենիք:

Մայր վանք
գոյական մայրավանք:

Մայր տոմար
գոյական հաշուապահական գլխաւոր տետրակ։

Մայր ցամաք
գոյական ցամաքամաս։

Մայր քաղաք
գոյական մայրաքաղաք։

Աւելի ճիշդն է քաղաքամայր։

Մայրենի լեզու
գոյական մօրմէն սորված, այսօր գործածուող լեզու։

Մօրէ մերկ
աղքատ:

Մօրը ծիծը կտրող
ածական
    1. չարաճճի.
    2. ճարպիկ, վարպետորդի, սրիկայ:

Մօրը կաթը ծծած
ածական ազնիւ, պարկեշտ:

Source: Գնէլ արքեպիսկոպոս Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Հայոց լեզուի նոր բառարան. Պէյրութ: Կ. Տօնիկեան եւ Որդիք Հրատարակչատուն (1992): p. 1403
New!
(beta)
 Usage beta 8 citations 

Usage of matching Word Forms

Usage of matching Lexemes

Also search for "մայր լեզու" in these imaged dictionaries:

Explanatory

Thesaurus

Western Armenian

Neologisms

Rhyming

Word Structural

Etymological

Dialectal and Idiomatic

Orthographic

Classical Armenian

Middle Armenian

Early Modern Armenian

Foreign word

Names

Place names

Plant names

Specialized

Abbreviations

© 2025 Nayiri. Armenian dictionary contains 17,718 words.
The site has 144 dictionaries and 3 books.
English
Նայիրի / Nayiri.com