Բառարան ՆՈՐ Ուղղագրիչներ ՆՈՐ Տառատեսակներ Մեր մասին Հայերէն
Nayiri Հայերէն ուղղագրիչներ
 Google Chrome-ի Հայերէն Ուղղագրիչ

Google Chrome համացանցի զննարկիչը՝ սեղանադիր համակարգիչներու համար արդէն ունի հայերէնի ուղղագրիչ, որ ստեղծուած է HySpell-ի հիման վրայ։

Անորմով կարելի է ուղղագրութիւնդ ճշդել երբ որ հայերէն կը գրես որեւէ համացանցի էջում։



Արագ ու ծանօթ միջերես

Ուղղագրիչը շատ դիւրին է գործածել։ Գրած ատենդ անծանօթ բառերը կարմիրով կը ստորագծուին։ Սխալը շտկելու համար բառին վրայ աջ-կտտէ՛ եւ ընտրացանկէն զատէ՛ այն բառը որ նկատի ունէիր։


Ընդարձակ բառապաշար

Աւելի քան 150,000 բառոյթ (lexeme) եւ հինգ միլիոն բառաձեւ կը ներառեն հայերէն բառապաշարի գրեթէ ամբողջ ծաւալը։


Արեւելահայերէն եւ արեւմտահայերէն

Կ՚ընդգրկէ թէ՛ արեւելահայերէնի, թէ՛ ալ արեւմտահայերէնի ձեւաբանական կանոնները։

Ինչպէս ալ գրես՝ «Ես սիրում եմ» թէ «ես կը սիրեմ», կամ «Երեւանում» թէ «Երեւանի մեջ», ուղղագրիչը երկուքն ալ պիտի հասկնայ։


Միայն արդի ուղղագրութեան համար

Այժմ Google Chrome-ը կը գործէ հայերէնի արդի («սովետական») ուղղագրութեամբ, որ լայն տարածութիւն ունի Հայաստանի Հանրապետութեան մէջ։

Կը յուսանք թէ ապագային Google ընկերութիւնը հնարաւորութիւն պիտի տայ աւելցնել նաեւ աւանդական ուղղագրութեան տարբերակը։

Եթէ դասական ուղղագրութիւնն է ձեզ հարկաւոր, կ՚առաջարկենք օգտագործել HySpell ուղղագրիչը Firefox-ի համար.


Կը գործէ ամէն տեղ

Այլեւս պէտք չունիս մտահոգուելու ուղղագրական սխալներէդ երբ որ Facebook-ի կարգավիճակ կամ նամակ կը շարադրես, Gmail-ի ել-նամակ կը գրես կամ Wikipedia-ի յօդուած կը խմբագրես։ Ուղղագրիչը կը գործէ որեւէ համացանցի կայքի՝ որեւէ տուփիկէն ներս ուր կրնաս հայերէն գրել։


Ընդլայնելի բառապաշար

Անծանօթ բառ մը կրնաս աւելցնել բառապաշարին՝ անոր վրայ աջ-կտտելով եւ ընտրելով Add to dictionary։


Կը գործէ Windows եւ Linux համակարգերով

Հայերէն ուղղագրիչը Google Chrome-ի համար այժմ կը գործէ Windows եւ Linux սեղանադիր համակարգերուն համար։

macOS-ի մէջ, Google Chrome-ը կ՚օգտաւործէ macOS համակարգին կողմէ տրամադրուած ուղղագրիչը։ Հետեւաբար, այժմ ուղղագրիչը չի գործէր macOS-ով։ Փոխարէնը՝ macOS-ի համար կրնաք օգտուիլ Firefox, Thunderbird կամ LibreOffice ծրագրերուն համար նախատեսուած հայերէնի ուղղագրիչներէն։




Տեսնել նաեւ

Կարգաւորման բացատրութեան համար, տեսնել անգլերէնով գրուած տեղակայման ուղեցոյցը՝ Armenian Spellchecker for Google Chrome — Config Guide.

Գործածելու բացատրութեանց համար, տեսնել անգլերէնով գրուած գործածութեան ուղեցոյցը՝ Armenian Spellchecker for Google Chrome — User Guide.


Google Chrome-ի հայերէն ուղղագրիչը մասամբ հովանաւորուած է
«Գալուստ Կիւլպէնկեան» Հիմնարկութեան կողմէ